香茜牛肉腸 + 蜜汁叉燒腸 + 煎釀三寶 (外賣) @ 屋企 ( 20-NOV-2021 )

香茜牛肉腸 - 無諗過份量咁多   同埋都好多餡

蜜汁叉燒腸 - 又係好多叉燒粒

煎釀三寶 - 今晚必食   因為依家好難買到呀

( 20-NOV-2021  SAT )

今朝又好似涼咗少少   所以徑步都幾舒服 ~

早餐食沙爹牛肉米   星期六想食呢啲米粉餐   因為星期一至五係食唔到   實在太飽   哈哈 ~

沙爹牛肉米少米腸仔蛋   走包   熱啡少奶走甜

菇場唔算忙   可以做自己嘢 ~

放工即走   去埋 Mos Burger 買 Lunch 就番屋企喇 ~

摩斯芝士漢堡 ($28) + 脆雞漢堡 ($24) + 大厚切薯條 & 凍齋啡 ($26)

里奧大人 2 點幾都出門口   咁我都去超市買嘢先 ~

番到屋企即做完功課再溫書   6 點唔夠都要出門口番學 lu ~

今晚勁開心呀   因為估唔到功課全部啱哂 ~

放學即去買晚餐   里奧大人都係啱啱沖完涼   咁可以即刻開餐喇 ~   

抖陣就沖涼   咁就已經 10 點   睇下 Youtube   差唔多 12 點先瞓 ~