( 18-JAN-2022 TUE )
臨起身前發惡夢 個男人好大力掟人落地下 勁恐怖呀 但又好似係做戲咁 好在起身嘅時候都叫做精神咋 ~
天色灰灰暗暗 天氣又濕濕立立 其實真係好啱瞓覺 哈哈 ~
早餐仍然食奶醬多 好佩服自己食咁多餐 不過遲啲都要轉下食其他嘢 ~
菇場唔忙呀 做下 Filing 咁 唔駛咁悶 ~
真係年紀大 病一病有排都未好 已經 10 日啦 硬係仲有啲咳 ~
Lunch Time 出去買菜 之後買埋 Lunch 就番菇場 lu ~
菇場仍然唔忙 但超級眼瞓 我其實好少咁樣 感到梗係未完全好番 所以特別攰 ~
放工即走 本身想煮 但里奧大人話想早啲食早啲瞓覺 因為佢喉嚨仍然唔舒服呀 ~
買完外賣都即番屋企開餐 我食完就抖陣 之後去徑步 我想鬆下條腰呀 行咗 20 分鐘又好似好啲 ~
開機洗衫就沖涼 之後休息喇 ~
里奧大人 10 點瞓覺 我就 10 點 45 分瞓覺 ~
沒有留言:
發佈留言