( 21-JAN-2022 FRI )
感恩一覺瞓天光 不過瞓瞓下其實都覺得凍 ~
呢排朝早起身都流鼻水 煩死 ~
今朝好餓呀 早餐要食芝腿治烘底 ~
肥仔豪話我髮型似小丸子 呢下好笑 ~
但真係好搞笑 個個同事都覺得我今次個頭型好得意 其實我次次剪啲陰 佢地都覺得好新奇 因為佢哋唔夠膽剪到咁短 哈哈 ~
菇場忙到爆炸 但行來行去有啲攰 ~
Lunch Time 出去行下 去 759 買咗啲麵同餅乾零食 真係好耐無買嘢咁喇 ~
最後買鯪魚球米就番菇場喇 已經 12 點 20 分 要快快腳行呢 ~
忙到 3 點幾就搞掂哂 8 卦話我呢排好興講: 都係 又係 咁我話答人係咁㗎啦 唔係點答呀 ?!
放工即走 同里奧大人一班車 佢話叫外賣 我話唔好啦 屋企有好多嘢要清埋去呀 所以番到屋企都要即刻預備晚餐了 ~
是日晚餐 - 豬肉水餃福字麵 + 芝士香腸飯 + 鹹蛋菠菜 + 七味粉椰菜
豬肉水餃福字麵 - 好耐無煮福麵 因為好耐之前買福麵 未到期都已經食到陣油益味 好在依家無呢個問題出現咋 ~
芝士香腸飯 - 尋晚食剩嘅白飯 咁加多幾條腸仔啦 喺 759 買嘅芝士腸仔 我覺得係無厘味道 所以我想快啲食哂去呢 ~
鹹蛋菠菜 - 加咗兩隻千年鹹蛋 好在無壊咋 ~
七味粉椰菜 - 有七味粉無咁齋 我又懶得整茨汁 哈哈 ~
洗埋碗就沖涼 本身諗住徑步 但都唔去喇 依家病毒好勁 加上天氣又濕濕立立 真係要好小心身體 ~
好邪呀 里奧大人問我嘢 之後我答: 都係嘅 之後佢話我好鍾意答: 都係嘅 我話今朝 8 卦先咁講我 哈哈哈哈 ~
里奧大人 9 點 15 分開會 開到 11 點先完呀 ~
家姐喺其奧買比我嘅純黑芝麻軟糖 都好香芝麻味
同里奧大人傾多陣偈 差唔多 11 點半先瞓 ~
沒有留言:
發佈留言