泡菜拉麵 + 粟米 ( 21-APR-2022 )

( 21-APR-2022  THU )

尋晚瞓得勁差   因為里奧大人無啦啦肚屙   佢每去一次廁所   我都醒一醒   之後等埋佢上床先瞓   都起碼有六至七次   所以我覺得自己好似無瞓過咁   哈哈 ~   

今朝鬧鐘響咗都唔想起身   但感恩嘅係沖涼洗頭之後就好精神   所以我朝早必定要沖涼洗頭囉   呢個習慣真係做女嘅時候已經係咁   最搞笑啲人以為我朝早沖涼洗頭   放工番屋企就唔會再沖涼洗頭呀 ~

感恩里奧大人今日補假   可以好好休息 ~

買埋雞骨草就去買早餐   今朝都係食奶醬多   我應該可以連食一星期 ~

菇場忙下停下   不過今日做嘢都比較慢   哈哈 ~

Lunch Time 一到   即去買麻糬比里奧大人   之後再買生果   最後買埋炒麵就番菇場 lu ~

菇場勁凍呀   真係以為自己唔舒服   因為我已經着咗外套   之後同小 A 一齊行去洗手間   佢話冷氣好凍   又話阿爽成日開到 19 度大風   有時 20 度都要開番到 19 度大風   但小 A 話會校番去23 度小風囉   其實已經唔係第一個話阿爽成日開得太大冷氣   個個都話佢番到公司坐定定抖下   人就無咁熱   硬係一番嚟就校到最勁冷氣   咁就唔好啦 ~

無啦啦忙到痴咗   好在好快搞掂哂 ~

今晚放工一定要準時走   因為要去配藥呀   屋企終於無哂平安藥   最悲哀係想買又無得買囉   咁唯有配藥   雖然好鬼貴   但無計   唉 ~

諗住買埋晚餐   但里奧大人話無胃口   所以我拎完藥就去買綠豆沙同麵包   之後諗住走   點知拎漏咗啲嘢   要再番轉頭拎   咁反正行開   去埋買木瓜先番屋企 ~

番到屋企沖埋涼   抖一陣就煮晚餐   里奧大人話粟米加泡菜拉麵咁特別嘅 ?!   我話求其啦   之前買咗條粟米   襯今晚都食埋去 lu ~

原來唔係間間糖水店都有綠豆沙

我特登買 1 Pack 提子包   咁里奧大人起身隨時有得食 

抖到 8 點幾就自己跳舞   沖完涼就休息 ~

今晚睇電視睇到 11 點唔夠都瞓喇   今日滕來滕去實在太攰   哈哈 ~