壽司盛合 (友禪) + 帶子壽司 + 大板王將餃子 (外賣) ＠ 屋企 ( 10-AUG-2022 )

壽司盛合 (友禪) ($118)

帶子壽司 ($49.8)

大板王將餃子 ($19.9)

( 10-AUG-2022  WED )

今朝 10 點先起身   之後整早餐喇 ~

本身諗住係菠蘿包 + 烚蛋 + 腸仔   但最後都係整菠蘿油   因為好少機會食呢

食完抖陣就開機洗衫   1 點左右就煮午餐   我同里奧大人講話攰過番工   哈哈哈哈 ~

廚師腸泰式米粉

又瞓到反白眼   勁得意呀

洗埋碗再沖涼   之後就出發去 Megabox 喇   因為都已經２點喇 ~

又係咩都行下咁啦   無衫買就突然諗起可以買襪   1 Pack 3 對只係 $30   所以買 3 Packs   因為着防水靴要着長襪呢 ~

之後又睇下文具   見到蠟筆小新單行簿有 9 折呀   里奧大人話抵呀   我即買啦   哈哈 ~

一場來到 Megabox   我話不如去 Starbucks   因為我想清啲 Coupon 呀 ～

又係差唔多飲完見開始多人   所以快快飲   飲完個人凍到顛咗 ~

星冰樂-碎朱古力咖啡 ($47) - 好好飲呀   因為 Starbucks 無咩咖啡係好飲   哈哈

朱古力蛋糕 ($38) - 里奧大人鍾意食   我就鍾意食芝士蛋糕多啲

本來唔行 Ikea   但我話好凍   同埋頭先食咁多朱古力  所以想行下 ~

去 Aeon 買把生果刀   之後再買埋晚餐   無諗過咁多人   雖然係星期三特價日   但其實啲嘢已經唔係咁吸引 ~

不過我都買咗日本針菇同澳洲薯仔   如果想煮又唔駛特登再去買 ~

我問里奧大人超市買咗幾錢 ?!?!   佢居然話唔知   真係用我嘅消費劵就當唔駛錢咁   哈哈 ~

蠟筆小新單行簿   呢兩年開始鍾意番佢同小丸子   所以里奧大人同家姐話我好奇怪   做咩無啦啦番轉頭鍾意佢地   哈哈

估唔到內頁係小白   勁開心呀

買完都搭車番屋企喇   個天又開始黑哂了 ~

沖埋涼都可以抖下   因為今晚只係焗熱餃子就可以 ~

6 點半開餐   好耐無同里奧大人喺屋企食壽司喇   佢話知我鍾意食先陪我食呢 ~

食完只係洗 2 隻碟   真係勁爽   不過都要再沖多次涼   雖然無出汗   但感覺乾淨啲咁 ~

里奧大人星期一話今晚要開會   我奇怪好少會揀放假開會嘛   點知 8 點半都無人講時間   佢再睇番   原來係下星期先開會 ~

唔駛開會就睇電視啦   呢套 "痞子殿下" 都幾好笑   家姐都有睇㗎   佢話啲地方名好搞笑   所以我先睇   哈哈 ~

睇完再睇 Youtube   今晚都係 11 點幾瞓 ~