焗三文魚柳 + 蜜糖焗雜丸 + 脆肉瓜芋頭粒 ( 13-AUG-2023 )

特登將幾粒丸切粒   咁做個炒飯比里奧大人聽日做午餐呢

 ( 13-AUG-2023  SUN )

感恩一覺瞓天光呀   瞓到 7 點 45 分起身 ~

同里奧大人一齊去食早餐   但其實佢本身番中午   但約咗人 10 點開會   所以點都要番工啦 ~

番完學就去街市買菜   之後去樓上買嘢   原來已經 12 點幾喇   要即番屋企放低嘢   再買午餐去里奧大人公司 ~ 

我要嘅係叉燒滑蛋炒飯   但唔見炒飯嘅   不過佢個汁都整得好味   唔係就慘   哈哈

食完就去超市買嘢   咁我見到特價嘢   會第一時間問家姐啲嘢抵唔抵 ?!   佢話抵就即買   咁我買咗 2 Pack LEMON C+   再買韓國豆腐同牛油等等   因為 $100 有 92折   里奧大人成日話我為咗平 $8   但要格硬買多 $50 嘢   哈哈哈哈 ~

咁買完番屋企啦   之後拎紅白藍袋去里奧大人公司   我影咗張揹紅白藍袋嘅相比家姐   話好似速遞員   家姐話唔係買到用紅白藍袋咁誇張嘛 ?!?!   呢句笑死我呀   哈哈哈哈   買到咁就真係等送貨啦 ~

同里奧大人 阿妹傾多陣   差唔多 2 點幾都走喇 ~

今日的起心肝   屋企要做徹底大清潔   做咗接近 2 個半鐘呀   真係腰都痛埋 ~

開埋機洗衫就抖下   之後預備晚餐 ~

是日晚餐 - 焗三文魚柳 + 蜜糖焗雜丸 + 脆肉瓜芋頭粒

焗三文魚柳 - 終於清哂喇   其實因為買咗包急凍蝦   冰格無位   所以先整佢   哈哈 ~

蜜糖焗雜丸 - 又係今晚清哂去   依家都好少食離丸   但買開就無理由買幾粒嘛   所以又係買買埋埋唔知幾時先食咁囉 ~

脆肉瓜芋頭粒 - 咁樣配搭又唔錯喎   細個好唔鍾意食芋頭   係近呢幾年先鍾意食芋頭咋   不過呢樣唔可以食太多   因為好滯㗎 ~

洗埋碗就沖涼   終於可以真正抖喇   哈哈哈哈 ~

咁諗住里奧大人做功課   我拻哂龍眼比佢食   咁佢話一陣食   我話點解呀 ?!   佢話一陣一齊睇 "思家大戰" 先食   我真係唔記得有思家大戰呀 ~

再睇陣 Youtube   今晚靈修半個鐘都瞓覺喇   因為接近 11 點呢 ~