泰式拚盤 (魚餅+春卷+蝦餅+雞卷) ($128) - 我第一次覺得拚盤係唔吸引我 同埋樣樣都唔大件 仲諗住食唔哂 依家唔會啦
雞卷好細粒 魚餅切到好薄 春卷又無咩料 蝦餅係最正常
泰式香葉豬肉碎蛋飯 ($58) - 里奧大人最鍾意食 所以一定會比佢叫啦
珍多冰 (+$10) - OK 呀
( 11-NOV-2023 SAT )
尋晚雖然去咗 1 次廁所 但感恩瞓得都唔錯 ~
今朝要里奧大人買早餐 佢叫我瞓多陣 等佢買埋早餐番嚟先起身 但我要沖涼洗頭 所以基本上佢醒我都要醒呢 ~
早餐食豬扒麵餐 再食埋個菠蘿油 本來唔想食 但又唔想擺到聽日食囉 ~
菇場唔忙啦 因為要整電錶 所以停電咗 20 分鐘左右 我哋個個圍埋一齊吹水 阿花仲話做咩咁快搞掂 哈哈 ~
同事喺菇場種嘅花
家姐 10 點打嚟 話萬寧今日雙 11 有 89 折 所以佢就諗住買兩盒必理痛特強熱飲 但我叫佢買美占熱檸檬粉先啱 之後佢就忙喇 因為我叫佢幫我睇價錢 如果我買開嘅特價再89折 要幫我再買呀 ~
最後叫佢幫我買咗 3 盒 Cream 同 6 支舒適達牙膏 佢自己都買 4 支 佢話有個女人見佢買咁多 即刻睇下係咪牙膏做特價呀 但其實我今日諗住食完午餐就去超市買牙膏㗎喇 超市做緊特價 買滿 4 支送一堆嘢 但依家萬寧係 $31 就買到 1 支牙膏仲抵 ~
同家姐差唔多傾咗 40 分鐘 如果一齊去買就好啦 不過今次佢慘啲 明明用百幾蚊依家變千幾蚊 呵呵 ~
佢話比錢嘅時候 職員話送埋最後一把刀 家姐好愕然話送刀 ?! 職員話買牙膏送㗎 買 2 支又送包洗衣珠 家姐話依家成個環保袋都好重囉 哈哈哈哈 ~
工人話想要個刨皮器 家姐話要佢問我先 因為呢盒係我喎 玩嘢咩 不過我話我只要把較剪 其他就唔要 嘻嘻
同阿花傾陣偈再做下自己嘢 話咁快就放工 ~
放工即走 今日想食口水雞 所以又去飯堂 lu ~
我鍾意食花生多啲 幾時先轉呀 哈哈
呢排唔想飲凍嘢 我幾驚里奧大人又話飲慾望酸梅呀 咁啱佢落雨無擔遮又無帶外套 所以佢覺得凍 唔飲凍嘢
川式口水雞 ($58) - 仍然咁好味道 我覺得小辣都辣
咕嚕脆皮雞球飯 ($63) - 今次好失望 里奧大人話我因為期望太大 我話又係喎 食十二味咁多次 真係第一次覺得唔好食囉 唉
食完都番屋企休息下 之後煲羅漢果茶 抖多陣就同里奧大人一齊番崇拜 ~
食埋晚餐就番屋企 小清潔再開機洗衫 搞掂就沖涼喇 ~
睇下 Youtube 又打陣機 差唔多 11 點先瞓 ~
沒有留言:
發佈留言