薑汁豬潤麵 ($44) - 我一定食豬潤補血 加上我又唔會整豬潤就更加要食
豬潤份量都好多呀 最正係無腥味 同埋都好鮮嫩 因為我有時食到嘅係硬崩崩咁 今次連里奧大人都食咗幾件呀
魚球肉丸米線 ($48) - 里奧大人唔鍾意食鯪魚球 佢好怕腥 但呢間嘅鯪魚球令佢改觀 因為鯪魚球唔腥同埋好滑
( 25-NOV-2023 SAT )
今朝 7 點唔夠就起身 諗住 20 分鐘後有車 但原來係半個鐘 咁無問題啦 我可以慢慢沖涼洗頭 嘻嘻 ~
我多數上車就 Whatsapp 家姐 之後佢打比我 話電話打唔通嘅 ?! 我話啱啱先記得取消飛線咋 佢話以為唔小心 Block 咗我電話號碼所以打唔通呀 因為佢之前 Block 咗糟糟電話號碼就係咁 ~
又拎一大袋嘢比家姐 所以里奧大人知道我次次買嘢都會預埋比家姐呢
初初諗住陪 Berry 再去食早餐 後尾家姐話一齊飲茶啦 因為佢知我想食沙爹牛麵嘛 同埋我一定要飲咖啡 咁我話有無得飲咖啡㗎先 ?! 佢笑住話有呀 咁我就去飲茶啦 ~
鴛鴦燒賣皇 & 皇牌咸肉粽 ($46) - 我成日話好想食干蒸牛肉 所以佢哋要叫呢個鴛鴦
唔想食炸兩 咁食粽啦 蘸沙糖好食呀
煎蛋牛肉飯 & 鴛鴦臘腸包 ($40) - 姐夫鍾意食牛肉飯 所以我哋比哂佢食 我哋留肚食第啲 呵呵
家姐就話叫個臘腸包試下 但臘腸係碎上 我哋係想食一條嘅臘腸囉
沙律明蝦角 ($34) - 新鮮熱辣好味呀 但食完個鼻哥窿好慶啦
醬重蒸鳳爪 ($28) - 家姐好搞笑 由未落單到落單 都係咁講話要食鳳爪 因為我平時無得食 哈哈
潮州粉果 ($24) - 呢個都好味道 我鍾意水晶皮
凍咖啡 ($10) - 無味嘅
一齊食下傾下 之後姐夫講咗一件事令我非常非常感動 連家姐都和應先搞笑 ~
咁走嘅時候 家姐已經拎定銀包 又話簽卡又剩 不過佢見唔到張 以為唔知擺咗喺邊 我話張單喺我裙袋度 今餐我請 其實我都大個女啦 真係唔係一定要大嘅請囉 同埋家姐成日買咁多嘢比我 基本上我係賺咗添呀 哈哈 ~
姐夫一陣同工人去買餸再約咗朋友出街 所以我同家姐都番屋企先 lu ~
Berry 又只係撲我 家姐話工人最開心 因為佢最鍾意 Berry 唔鍾意家姐 話上次叫家姐拖住 Berry 行前 工人喺後面行 睇下 Berry 會唔會望後面喎 ~
上次萬寧做雙 11 優惠 叫家姐幫我買㗎 Cream ($99/樽再減 11%) & 牙膏 ($46.9/支 第 2 件半價再減 11%) 洗衣珠就係買牙膏 2 支送 1 包 買滿 $149 就送刀套裝 咁我仲叫家姐幫我買藥 因為千幾蚊 我一定要比 佢話要好似養媽咪咁養我 話藥錢唔會收 我話我其實無散紙 咁啱尾數 $15 無得比 咁當妳比咗藥錢啦 哈哈
咁工人買麵包做早餐 家姐特登 Cap 埋會員証比佢 點知佢又無比人睇 家姐話會員有 9 折㗎 可以慳一蚊㗎 真係笑死 仲緊張個工人 ~
之後又無啦啦高 8 度講 " 阿姐 妳快啲食啦" 講完就係咁叫 Berry Berry 工人又用手嚇 Berry 搞到 Berry 喱落梳化底 我話妳哋真係黐鬼線 搞到 Berry 唔黐先奇 ~
我終於記得上次我坐喺梳化 家姐突然叫 "阿姐" 咁我即刻應佢啦 之後佢係咁笑 佢話其實係叫 Berry 妳話佢係咪黐吖 哈哈 ~
望下我啦 得我正常㗎咋 哈哈哈哈
對眼好攰咁
工人真係超級搞笑 佢同家姐講話 Berry 好靚 另一隻柴犬就好得意 家姐問佢有咩分別 ?! 佢話 Berry 眼大所以好靚 但柴犬對眼無 Berry 咁大 但笑起嚟對眼會咪埋 咁就叫好得意 佢啲廣東話真係好叻㗎 所以家姐成日話佢駁咀駁舌 哈哈
佢想走
呢隻又係糟糟送比 Berry 㗎 佢都好錫 Berry 初初 Berry 仲好細隻嘅時候 買咗好多衫仔比佢保暖 同埋真係好感激佢成日車 Berry 睇醫生 唔係應該養唔到 Berry 㗎喇 嗰時家姐公司好忙 連星期六都要開 OT 同埋講明如無必要係唔準請假添呀
工人番到屋企 講話買咗炸魚皮 之後家姐就話激死 唔記得叫妳買多包比新媽咪 家姐話咁妳唔好食喇 比新媽咪食啦 工人話好呀 家姐話工人呢樣好好㗎 食佢嘅嘢係無所謂的 ~
居然挨落我大脾瞓覺 真係開心死我啦
我叫家姐幫我影相 一聽到聲就睜開眼
之後我再掃佢 佢又繼續瞓
家姐食埋 Lunch 先出去 工人就食炒飯 佢一拎碗炒飯出嚟 我係咁打噴嚏 因為碗飯聞落好辣咁呀 之後佢話落咗 4 隻指天椒 ~
差唔多 1 點鬆啲都走喇 因為家姐話想買袋 叫我陪佢睇下 ~
工人順便同 Berry 去街 Berry 見我哋上電梯 佢企定定望住我哋 好似好唔捨得咁喎 哈哈 ~
行行下 有個女人向住我同家姐方向講嘢 之後再繼續望住我 話妳都住呢度㗎 ?! 我同家姐根本都唔識佢 咁我哋戴住口罩 佢應該認錯人啦 ~
同家姐睇袋 佢話依家唔買住 今晚番屋企先買 我話要依家買 因為我要送比佢 ~
MILESTO TROT ($448) - 本來買紅豆色 里奧大人話普通 之後轉買灰色 我叫職員揹上身睇下 佢話灰色係新貨呀 我再叫家姐揹多次灰色 原來揹上身真係灰色靚好多呢
我已經間唔中去睇袋 但好少搵到個輕身 估唔到比家姐搵到 內籠又有間格 係我想買嘅款 所以真係好感恩 同埋最緊要家姐在場嘛 鍾唔鍾意個樣係呃唔到我囉 哈哈 ~
買完就一齊搭地鐵 感恩車程非常之暢順 咁諗住直接去十二味 但里奧大人開電話會議 所以我番屋企放低嘢先喇 ~
3 點幾先食午餐 好在里奧大人今日放假瞓晏啲 再食咗 3 件窩夫做早餐 我尋晚教佢點樣焗熱窩夫 同埋叫佢搽牛油花生醬 咁樣就好似食夾餅咁 哈哈 ~
水煮牛肉 (小辣) ($68) - 份量都唔少喎 影比家姐睇 佢話兩樣都咁辣嘅 ?! 我話係小辣咋 佢依家唔想我食咁多辣 因為怕我個肚會唔舒服
牛肉份量都唔少
武隆尖椒雞 (小辣) ($76) - 里奧大人話要試新嘢 呢個都好味 酸酸辣辣 但雞件切得太細 所以有碎骨
慾望酸梅 (+$8) - 呢排又熱番 所以又叫嚟飲 哈哈
幾乎無食過尖椒雞咁滯 所以我次次去十二味都會自備玻璃盒
食完都番屋企喇 今朝手錶無顯示 家姐話無電呀嘛 我話前日先叉完電喎 點知原來上次叉電位置係唔啱位 即係無叉到電 ~
咁我同里奧大人講話屋企手機要叉電呀 佢話有 40% 喎 但我話一響就 Cut 線嘅 佢再睇手機訊息 原來係未交電話費 所以家姐話今日妳哋乜事呀 咁鬼論盡嘅 ~
呢排買咗好多嘢 係時候認真執下個儲物櫃桶 仲要好有心機寫住仲有啲咩儲存 我真係唔想再重覆買呀 ~
希望 2024 上半年清得哂呢堆嘢
同里奧大人 5 點幾出發番教會崇拜 今晚崇拜都快咗完畢 所以可以同鴛鴦傾陣偈 佢問我下年會唔會繼續幫手事奉 ?! 我話當然無問題啦 我好鍾意呢個事奉崗位呀 哈哈 ~
之後阿 Y 介紹我去食豬潤麵 本來今晚想食車仔麵 但里奧大人話去試豬潤麵喎 ~
食完就行去買花街比皇太后 之後都番屋企 lu ~
我記得皇太后講過鍾意食花街入面嘅朱古力拖肥 即係金色一條條同圓型嗰兩款 所以一定要買一盒 如果有得散裝買就好了
等咗好耐都唔特價 但買 2 隻就有特價 不過我唔會同一款要兩隻啦 所以叫里奧大人送比我 哈哈
家姐特登分兩個袋裝住啲軟糖 係有沙糖同無沙糖咁分開 不過我最後都一齊入哂樽
沖埋涼就休息 睇下 Youtube 又打下機 今晚 10 點半都瞓覺喇 ~
沒有留言:
發佈留言