東京街日本料理 @ 旺角 ( 14-DEC-2023 )

希靈魚壽司 & 芥辣八爪魚軍艦 & 蟹籽沙律軍艦 & 蟹籽軍艦 & 螺肉軍艦 & 芝麻八爪魚軍艦   全部都只係 $12/2 件   估唔到壽司都足料同新鮮   好食過連鎖店

大赤蝦壽司 ($14/2 件)

炸天婦羅蝦壽司 ($14/件) - 食完生冷嘢   要食番啲熱氣嘢中和番   哈哈

( 13-DEC-2023  THU )

尋晚開 Dry 瞓覺   但瞓得都 OK   始終呢個天時唔係咁想開冷氣   因為瞓瞓下會好凍呢 ~

早餐食南瓜籽雜穀包   夾芝士食就感覺無咁乾   同埋可以飽啲 ~

行行下   船頭揮手叫我   我都唔認得佢添呀   因為無諗過咁早見到佢嘛   之後一齊話今朝全人類都會早番   哈哈 ~

菇場唔忙   咁又做下 Email Filing 啦 ~

Lunch Time 出去行陣再去買午餐   買完即番菇場   因為開始有啲餓喇 ?!

諗住留番件糯米卷晏啲食   但最後都食埋   唔想凍冰冰   點知食得太急   之後胃痛   其實我做乜食得咁急呢   反正都唔會有人知我食嘢   哈哈

無啦啦忙呀   不過咁都好   時間過得好快咁㗎 ~

放工即走   今晚同里奧大人拎眼鏡   感恩可以同佢一班車出旺角   仲可以一齊坐   因為無諗過放工時間會有咁多吉位嘛 ~

拎完眼鏡就去食嘢   之後再去花園街買裙   不過唔太啱心水   咁都唔想繼續行   所以都即刻搭車番屋企 lu ~

番到屋企都 8 點幾   拿拿聲沖涼就睇 "新聞女王" 喇 ~

里奧大人問係咪想食人參果呀 ?!   我話係呀   佢即刻批皮比我食   希望呢個習慣能力持續落去啦   哈哈

家姐一番到屋企就 Whatsapp 買咗臘潤腸比我   我話以為今年無臘腸食添   之後佢話糟糟要特登去西環買㗎   所以要得閒先去買咁呢

呢排鍾意睇 Meerkat   所以一開 Youtube   里奧大人都會話妳最鍾意隻小動物 ~

細細隻好得意   我話好似朱朱   里奧大人話乜都話肉阿朱   哈哈

有隻喺攝影師隔離   真係細到差啲睇唔到佢

我嗰次喺廣州長隆動物園見過 Meerkat   真係好細隻   超級得意

同攝影師幾咁老友   我估攝影師都喺呢個地方逗留咗好耐㗎喇

睇完又打陣機   今晚睇到 10 點 45 分都瞓 lu ~