招牌泰式去骨海南雞 + 香辣魚餅 + 麻辣手拍青瓜 + 油飯 (外賣) @ 屋企 ( 12-DEC-2023 )

呢個套餐 $156 (外賣)   我覺得都幾抵食   同埋好多時都食剩 1/3 雞同油飯   咁可以比里奧大人帶飯   一個價錢兩餐食   哈哈

如果餐餐咁多肉就唔得了

諗住買盒燒鴨叉燒飯比里奧大人做聽日嘅午餐   但最後成盒白飯無食   只夾起幾件燒鴨叉燒比佢做餸   感覺有3樣餸就豐富好多   哈哈哈哈

今次都係脆卜卜   但食剩 3/4 盒   咁聽晚可以用嚟炒飯

( 12-DEC-2023  TUE )

尋晚瞓得都唔錯   本來開風瞓覺   但半夜里奧大人話熱   所以開 Dry   其實都12月   但真係一啲凍嘅感覺都無   我覺得菇場仲似冬天   哈哈 ~

早餐食衛星包   其實係 Milk Bread   不過我都加咗 1 片芝士   咁 1 開 4 就最好   個皮焗到脆卜卜又甜甜哋   下次應該會再買 ~

菇場忙下停下   望下個鍾都接近 11 點幾   實在太好了 ~   

Lunch Time 出去行陣再去食牛筋河   食完又行陣先番菇場 ~

忙多陣又 Hea 過   咁又做下自己嘢啦 ~

放工去睇中醫   今晚醫師心情好好咁喎   係咁笑住講嘢   仲話我今次個脈同條氣係好咗   之後都話仍然要開啲補氣嘅中藥比我   因為有啲嘢塞住咗   要用氣推番出嚟   咁就變通咗啦   咁呢樣都明嘅   唔係點解成日周身骨痛吖 ~

不過醫師都話   情緒都好緊要   咁呢樣又真呀   好多病都係由情緒引發出嚟   只係自己唔知咋 ~

今晚真係好在慢動作   因為我無帶之前嘅藥方   佢最後笑住問我中文名   我如果頭先一睇完就走   就好話我心急㗎喇   哈哈 ~

睇完就去買菜   里奧大人啱啱放工   咁就好喇   我可以買海南雞飯番屋企食 ~

食完抖陣   差唔多 8 點先一齊去做運動   今次做 20 分鐘   睇住 Youtube 做真係唔覺   哈哈 ~

沖埋涼再食生果   呢期睇 "新聞女王"   估唔到都幾好睇 ~

今次買 1 Pack 嘅入參果   估唔到好甜喎   感恩感恩

睇多陣 Youtube   今晚 10 點 45 分都瞓喇 ~