黃金脆薯牛堡套餐 + 脆辣雞腿包 (外賣) @ 屋企 ( 12-JAN-2024 )

我食脆辣雞腿包   係之前入親子會送㗎   但成個包係凍   即係連件炸雞都係凍呀   里奧大人就食黃金脆薯牛堡套餐

( 12-JAN-2024  FRI )

6 點鬧鐘響   但啲聲唔同咗   原來尋晚 Set 錯 Reminder   搞到下午變上午   哈哈哈哈 ~

好似醒醒哋   但又好似瞓得番   不過就係咁發夢啦 ~

鬧鐘未響都醒咗   之後望下個鐘係 6 點 47 分   咁都起身去做運動喇 ~

今朝天色比較灰暗   走嘅時候都唔見太陽

發咗好多夢   但居然比我記得哂   所以即同里奧大人講   哈哈 ~

第 1 個夢係我抱住 FF    但佢話唔鍾意我喇   因為我之前無帶佢入房   我聽到勁傷心囉~

第 2 個夢係去商場嘅名店睇鑽石戒指   點知有蒙臉人入嚟打劫   但佢只係放低個袋   之後仲走埋   但店舖老闆比我試隻鑽石戒指   但無鑽石囉   我叫佢寫低呀   唔係一陣話我偷 (發夢都咁清醒)   但隔咗陣個蒙臉人帶埋幾個同黨入嚟   出面商場全部人都好驚   有個保安話當無事發生   之後用塊好大嘅紫菜蓋住班細路仔 ~

第 3 個夢係我同同事食飯   大家一齊飲酒   樽酒係有好蒜蓉嘅   佢哋倒咗好多酒比我呀   我暈住咁去廁所   我仲話呢個廁所污糟唔去   哈哈 (里奧大人話我發夢都咁揀擇) ~

最後個夢係同里奧大人去旅行影相   好記得係藍天白雲   所以擺咗好多 Post 影相   之後鬧鐘響就醒咗 lu ~

早餐食牛角酥   里奧大人話好味   可能焗咗熱辣辣   我話我係咪好好呢 ?!   佢話超好   哈哈 ~

A1 買㗎   $22/2 個仲有 9 折   咁都抵食

菇場唔忙   又做下自己嘢 ~

溫總話幾好味   所以 BG 就比我包我試下      

Lunch Time 唔餓   所以買下零食   之後 12 點 15 分再去食炸兩同白粥   食完又再行陣   都係 12 點 40 分左右番菇場 ~

忙咗個幾鐘就可以 Hea 過   今日啲時間都快過   哈哈 ~

放工即走   食埋晚餐就要去整嘢   感恩個幾鐘搞掂 ~

搞掂哂都 8 點幾   即開機洗衫同沖涼喇 ~

里奧大人同事快閃日本三日   但都買手信比佢哋   真係好有心

睇多陣 Youtube   今晚 10 點半瞓覺 lu ~