壽司郎 @ 紅磡 ( 18-JAN-2024 )

飛魚籽壽司 ($12) - 紫菜脆卜卜   所以覺得更好味   哈哈

鮮蝦天婦羅壽司 ($12) - 必食   呢排鍾意食蝦嘛

吞拿魚壽司 ($12) - 里奧大人鍾意食   所以佢都話來來去去都係食嗰幾樣

蝦三味壽司 ($17) - 真係好抵食   不過我飽咋   唔係叫 2 碟都好   呵呵

油甘魚壽司 ($17) - 唔想食其他   又食番佢喇 

日本產帆立貝壽司 (迷你壽司飯) ($17) - 里奧大人食咗三碟

炸蝦天婦羅拚盤 ($27) - 蝦+鮮冬菇+南瓜+紫蘇葉各兩件   里奧大人只敢食半件南瓜咋   不過其實我都預咗自己食哂㗎喇

貪得意試咗檸檬豉油   估唔到真係有酸味   哈哈

( 18-JAN-2024  THU )

感恩一覺瞓天光呀   其實鬧鐘未響都醒   但今朝唔做運動喇   比對腳抖多一日先 ~

早餐仍然食牛油餐包   今次就夾芝士   A1 嘅牛油排包係四塊   同埋都幾厚身   咁都唔錯   食兩日就搞掂    哈哈 ~

菇場唔忙呀   咁都好   一陣可以準時走 ~

今日陪里奧大人去驗眼   所以放半日   感恩西瓜比我突然請半日假咋   如果唔批就陪唔到里奧大人 lu ~

尋日里奧大人 Book 咗今日驗眼   其實我都諗住陪佢㗎喇   但真係要睇西瓜批唔批囉   之後我問里奧大人想唔想我陪 ?!   佢問我有幾多日假 ?!   咁即係想我陪啦   唔係唔會問咁多嘢嘛   哈哈   佢同家姐一樣   如果唔駛會即刻 Say No   但如果想呢   就會問呢樣嗰樣   哈哈 ~

放工即走   同里奧大人一齊食 Lunch ~

薑蔥鯪魚球麵 ($44) - 我覺得貴呀   但鯪魚球都幾好味   最緊要唔腥   但個幼麵真係非常好食呀   爽口彈牙 ?!   都唔識點形容   下次有機會嚟食   我已經決定食豬手麵㗎喇   所以里奧大人話我諗嘢食係諗得最長遠   哈哈

京都炸醬麵 ($37) - 里奧大人每次外賣都必食炸醬麵   個汁整得真係好味   但肉絲就比較 "鞋"

食完番屋企抖陣   之後陪里奧大人去石硤尾驗眼   佢話唔好意思   成日要請假陪佢睇醫生   我話你啲家姐又唔會陪你睇醫生   同埋陪你睇醫生   都係我做老婆嘅責任   駛咩講唔好意思   我婦檢都係你陪我啦 ~

里奧大人同事做公公   所以派紅雞蛋

約咗 3 點半   3 點 10 分去到   登記完就等   差唔多 3 點 50 分先睇 ~

4 點 20 分左右 Check 完   感恩度數都無變   但原來里奧大人好耐之前做咗 Lasik   所以度數會好浮   咁呢下就麻煩啲喇   因為適應咗又有變化   之後又要適應呢 ~

難得咁早   番到紅磡都只係 5 點   所以我話去壽司郎呀 ~

我問里奧大人想唔想 ?!   佢話我開心就得   哈哈哈哈 ~

食完就番屋企   開埋機洗衫就沖涼喇 ~

抖陣就熨衫   之後睇電視 ~

唔知係咪晏晝出咗汗   所以真係 9 點已經勁眼瞓   但無可能上床瞓啦   因為實在太早   但其實我睇睇下 youtube 都瞓着咗   因為我 10 點醒醒哋   里奧大人話我頭先瞓到 "gur gur" 聲呀   仲話我瞓咗一個鐘都有呀 ~

咁我諗住再睇陣 Youtube 啦   但最後都係 10 點 15 分可以瞓覺   哈哈 ~