客家原味粉 @ 紅磡 ( 23-JAN-2024 )

豬潤粉腸米粉 ($50) - 粉腸份量都唔少   感覺食極唔完咁   哈哈 

魚球肉丸米線 ($50) - 里奧大人真係好鍾意食呢兩個餸

( 23-JAN-2024  TUE )

尋晚瞓得唔係咁好   去完廁所再瞓   瞓到 8 點 15 分都起身   因為都醒醒哋咁   所以都即刻梳洗去做運動 lu ~

9 點番到屋企即預備早餐同薑茶   食完早餐就出發去佐敦喇 ~

今日市區氣溫 6 度呀   真係連我都覺得天氣係冰凍呀   哈哈 ~

里奧大人尋日 Book 到今朝 11 點驗眼   所以我尋日都即刻請假陪佢啦   感激西瓜即刻批假呀 ~

10 點 35 分到診所   估唔到都好多人睇喎   不過差唔多 11 點 10 分都到里奧大人呢 ~

醫生再詳細幫里奧大人驗眼   之後幫佢滴 2 隻藥水做測試   好在我陪里奧大人咋   原來要放大瞳孔 ~

感恩對眼係無問題   咁做完 Lasik 嘅眼睛係比較乾   同埋叫里奧大人唔好再戴眼鏡   之後仲要盡量休息   再教佢要點點點 ~

講講下又係   之前里奧大人又忙番學   公司又多突發嘢   瞓得又唔好 ~

醫生話想穩陣啲   又等我哋安心啲   所以做多個 "視神經掃瞄"   感恩報告正常 ~

醫生最後都係再建議里奧大人唔好戴副漸進眼鏡   因為戴下唔戴下仲辛苦   同埋再自己測試兩星期   如果仍然有嘔心狀況   就要去內科檢查㗎喇 ~

今次驗眼+檢查+拎眼藥水   接近用咗 $2,500   真係叫做買個安心   始終聽醫生專業意見   好過上網睇完啲資料又估估下呢 ~

個個同事都擔心里奧大人   成日叫佢請假休息   頭先佢上司直頭叫佢下午都唔好番   不過佢要開會   所以點都要番公司呢 ~

睇完都已經 12 點 10 分   咁搭的士番屋企先   我叫定外賣   食完就可以即刻番工 ~

坐緊的士嘅時候   榴槤打嚟搵里奧大人   原來佢老公特登出嚟睇下里奧大人身體點呀   好在大家都差唔多時間番到公司   所以最後我係拎完外賣就直接去里奧大人公司喇 ~

里奧大人肝唔好   休息又唔夠   所以就出現嘔心情況   但情況唔係嚴重   教咗我哋啲食療   食完應該會好好多   同埋最緊要係休息呀 ~

真係神嘅恩典   今朝我請咗假   咁啱榴槤兩公婆又嚟咗   上星期日榴槤都提議叫里奧大人搵佢老公睇贂   我都諗住星期五叫里奧大人去睇㗎喇   估唔到佢老公特登嚟   所以真心好感動   其實知道里奧大人唔舒服嘅人   佢哋嘅另一半都知   每次見到佢都會問佢點樣 ?!   又會 Whatsapp 問候   之後又介紹眼鏡店   眼科醫生等等有用資料比佢咁呢   真係個個都好關心里奧大人   感動感動 ~

因為我中午要番工   所以佢哋未傾完   我都趕住走喇 ~

買埋腿蛋治就番菇場   但遲到呀   1 點 12 分先番到   之後唔買三文治啦   就係等嗰 12 分鐘先遲到   唉 ~

里奧大人話比榴槤老公按完之後   開始有囿口   感恩感恩 ~

之後佢話唔好意思   要我成日頻頻樸樸咁辛苦   我話唔辛苦   送番 50 件衫比我就可以   哈哈 ~

菇場忙呀   真係做到有啲暈陀陀 ~

真係狀態不佳   明明係 200 到 210   我唔知點解 Set 咗係 211   阿虫問我係咪有特別意思 ?!   我話唔好意思   我未瞓醒 ~   

放工即走   諗住番屋企   里奧大人話落車打比佢   之後阿妹叫我搵佢   咁是但啦   反正今晚唔煮   呵呵 ~

傾下偈又幫手做聽日旅行嘅心意包   做到 6 點半先走得呀 ~

食完都即番屋企   原來都已經 8 點 ~

開埋機洗衫就即沖埋涼   之後都休息 lu ~

睇多陣 Youtube   今晚 10 點 15 分都瞓覺喇 ~