香草煎雞扒配意粉 ($73) - 都幾好味 不過食剩一大半 里奧大人聽日可以帶飯 lu
味僧湯唔夠熱
香煎鯖魚柳 ($83) - 我同里奧大人講話呢個算貴呀 我買 1 條急凍都係 $13 咋 哈哈哈哈 薯條要加 $5 但真係好好味呀 外脆內軟 食到最後都係咁嘅狀態㗎 真係加錢都值
沙律 + 前菜無特別 甜品係芝士蛋糕又好味喎 可能我鍾意食芝士蛋糕 哈哈
隻杯有個貓頭 都幾得意
( 24-JAN-2024 WED )
雖然尋晚早瞓 但諗起今日去旅行真係好興奮 所以瞓得唔係咁好呀 哈哈 但感恩起身好精神呢 ~
早餐要食飽啲 但其實食剩幾啖麵 丹麥酥就食唔落喇 要打包呢 留番聽朝做早餐 ~
8 點 45 分要到里奧大人公司集合 但其實 8 點 25 分已經到咗 我哋鍾意早啲去準備 ~
咁我早到就幫手點名 同時仍都派暖手包 好在樹葉都幫手睇 咁樣快好多嘛 哈哈 ~
阿心兩公婆係第一個到嘅團友 一嚟到就好幫手 似乎係特登咁早到呢 感激感激 ~
榴槤塞車呀 差唔多 8 點 50 分先到 佢話坐私家車反而仲耐 咁我同阿妹話坐其他車都會咁啦 一塞就一齊塞嘛 之後佢話佢係坐地鐵 哈哈 我同阿妹只係諗地面嘅車嘛 ~
其實我哋都做哂所有嘢 因為大家都會互相配合同補位呢 ~
同阿妹去貼埋 Label 搞掂哂就可以出發喇 ~
今朝仍然係好凍 好似 9-10 度 我話最緊要唔好落雨 同埋因為已經凍咗兩日 基本上已經適應咗 如果今日係第一日凍 咁就比較麻煩啲喇 ~
今次同 47 位長者老友記一天遊 今朝有個後生仔同媽媽點完名再拎心意包 我以為佢拎完就走啦 原來佢都係團友之一 真係好孝順呀 陪媽媽去旅行 ~
9 點半出車 領隊艾文王都幾搞笑 最緊要全程有互動 真係全程無冷場呀 ~
我同榴槤坐車頭 里奧大人同 KK 就坐隔離嘅車頭 所以我哋點都要比反應比艾文王 哈哈
因為望住艾文講嘢 所以我全程都翹住榴槤隻手 咁樣坐就舒服啲 里奧大人又話我成日攬住榴槤 我都唔知添
艾文介紹濕地公園啲植物同侯鳥等等資訊 又會叫我哋答問題 有條問題係我答 170 正確答案係 175 但佢話加加減減 所以 170 都算啱 一陣有禮物 ~
之後阿妹問我係咪撞 ?! 我話梗係啦 識就答啱啦小姐 哈哈哈哈 ~
10 點半到濕地公園 影埋張團體大合照就入去參觀喇 ~
我話都算快到喎 佢哋話坐旅遊巴嘛 自己坐車就耐啦 我講一句之嘛 咁大反應㗎 哈哈哈哈
跟大隊入去 其實我哋都分咗前中後位置睇住班老友記 咁樣就佢哋安心我哋又放心
門票有兩隻顏色 唔記得長者門票係綠色定藍色
入去濕地公園參觀喇
濕地公園面積都好大 所以我哋今日應該行得好少部份呢
親眼見到 都唔記得係咩名 哈哈
我離遠睇以為係真添
開始行入去濕地公園範圍喇
行去睇貝貝 (Pui Pui)
貝貝簡介
真係要好夠眼力先望到貝貝蹤影 哈哈
我其實覺得貝貝好可憐啦 佢咁大體積 但個池咁細
空氣品質好先有地衣 呢棵算少喇 我覺得山頂仲多地衣嘅榭木
日日望綠色 真係心情都好啲
我覺得躝滕好恐怖
鐵線嚟嘅
我話係菠蘿呀 阿妹睇番簡介話係露兜樹 (假菠蘿)
今日天氣好好 雖然得 10.7 度 但唔太凍呀 感恩感恩
蓮花池
艾文話尋晚特登去花墟買棵蓮花 咁等我哋有得睇 哈哈哈哈
咁樣慢慢行 真係好舒服
影倒影都唔錯
繼續向前行
因為地方太大 好多團友都一早分散哂咁行 我哋四個工作人員同埋十個團友就一齊行 咁艾文帶住我哋 又介紹啲植物比我哋知 但有時又整鬼我哋囉 ~
團友話領隊好詼諧 里奧大人一路笑一路話人哋好認真㗎 哈哈 ~
咩都影下
唔記得對面係咪天水圍
今日無咁凍 但都要着厚褸嘅 哈哈
Y 型樹
我哋去 "河畔觀鳥屋" 最上層睇候鳥
艾文話係假 但我好認真答佢係真㗎 哈哈哈哈
我用手機影 都算睇得清楚啦
我第一次同里奧大人去濕地公園係夏天 熱到呢 所以今日再嚟係覺得好舒服 哈哈
呢個天氣 係無得睇 "彈塗魚"
"紅樹林浮橋" 我覺得有欄杆係安全啲
呢棵都有少少地衣
差唔多回程了
芒草 ?!
睇下有無魚仔 係無嘅
水上飄
落羽松
把握最後機會 望多啲綠色嘢
光脫脫樹幹
臨出去之前再睇下貝貝 團友話頭先貝貝出咗嚟同佢哋見面呀
個個都係呢個時間走人
沿途都見到呢班小學生 佢哋好靜㗎 咁就乖啦
同班小學生傾偈 唔知以為我係佢哋嘅老師 哈哈
我到旅遊巴上落位置嘅時候 我見佢哋向住旅遊巴揮手 以為係佢哋學校啲同學 但原來係同我哋車上面班團友揮手呀 真係勁搞笑 之後里奧大人話一齊影張相啦 所以佢哋齊齊舉起 V 字影相 真係好可愛呀
你話係咪搞笑先 ?! 佢哋應該係向前直行嘛 不過可能咁啱有個凹位 咁等齊人又唔會阻住其他人行 所以先喺嗰個位置呢
12 點集合 出發去元朗大榮華食午餐 ~
12 點 45 分到酒樓 今日分咗五張枱 呢餐飯嘅名堂係精制九大簋 所以我同阿妹好期待 ~
@ 大榮華酒樓
雖然今次係帶班長者老友記去旅行 但佢哋真係行得快過我哋呀 又醒目 ~
我哋五個工作人員再加六個團友一枱 感恩個個都識 所以一路食一路傾 好開心呀 哈哈
當我想同阿妹講話見到呢 3 碟醬都覺得好味 估唔到佢就講出嚟 哈哈 之後我見到個膠樽 我同阿妹講話係咪有人漏咗支茶呀 ?! 佢拎上手睇下 話個樽係暖 係豬油嚟㗎
阿妹叫我坐佢隔離 佢真係好好呀 全程夾嘢比我食 同埋我次次正想夾嘢 佢就夾咗比我呀 ~
衰妹成日話樹葉就第一時間睇濕地公園地圖 咁等我哋知道每個地方睇唔同嘅嘢 我就第一時間睇上網睇九大簋係食啲咩 ~
我同里奧大人講話阿妹真係記得 Menu 食啲咩 佢話同我不相伯仲 哈哈 ~
香茜燒米鴨一隻 - 好味呀
圍頭五味雞一隻 - 呢個又係好味
時菜鯪魚球一碗 - 鯪魚球都好滑
盆菜炆豬肉一碗 - 呢個一般
糖醋酥肉青一碗 - 呢個超級好食呀 個皮係脆卜卜 食到最後都仲係脆皮
雜錦炒菜絲一碗 - 睇賣相覺得無味咁 但其實有味道㗎喎 不過無咩人鍾意食 哈哈
蠔油炆冬菇一碗 - 冬菇都入味
陳皮豆豉蝦一碗 - 呢個都好味呀 我覺得 Overall 都好味呀
白水浸烏頭一條 - 好腥呀 所以無咩人食
絲苗白飯 12 碗 - 仲以為每人一個砵仔上添 原來一桶上
合時糖水 - 好似話係麥米粥
食咗第一轉 我要抖下先 個胃唔可以突然間塞咁多嘢呀 ~
今餐最開心係見到里奧大人都有夾餸食 見佢有啲餸都夾咗兩次 咁即係有胃口啦 感謝神 ~
抖下又傾下 就可以再食第二轉 咁我話唔好浪費食埋去啦 阿妹又夾三件鴨比我食 原來碗底係有好多肉呀 反而喺面嘅就無咁多肉 ~
阿心叫我拎落去慢慢食 咁阿妹又陪我食啦 唔記得阿妹講咩 阿心話佢食完都落咗去啦 阿妹話佢係上去唔係落去 里奧大人話落去嘅意思係落咗去胃部呀 哈哈哈哈 落去呢兩個字 真係好易令人誤會 哈哈 ~
本來有奶黃水晶包一打 但唔記得蒸呀 所以轉潮州粿比我哋 咁樣仲好啦 有特色啲嘛
1 點 45 分左右食完飯 其他團友去買嘢 所以差唔多 2 點先上車 ~
個個都問艾文有咩禮物 佢終於講啦 就係 "給你一個吻" ~
佢仲話可以去佢度索吻 但記住有買有賣 你肯買我未必肯賣 笑鬼死我哋呀 哈哈哈哈 之後我哋答啱都話唔駛要禮物喇 哈哈 ~
2 點 45 分到饒宗頤文化館喇 呢個地方想去好耐㗎喇 感恩感恩 ~
今日行程都好輕鬆
饒宗頤簡介
聽艾文講解
荷花四拚 - 去無作相 住亦隨緣
好似話饒宗頤喺 8x 歲高齡畫㗎 仲要係逐幅逐幅畫 唔知以為一幅剪為四幅 每幅要一億萬 真係好珍貴呀
再行入去參觀 原來呢啲字畫只係擺放到今年三月咋
古梅奇石 / 溪山晚興 / 歲寒三友 / 松雪梅苔
葫蘆蘋果
紅荷水蛭 / 芝蘭并秀 / 荷塘水虫
又聽下艾文講咩
如果開花就好喇
坐呢度傾偈都唔錯
一齊睇 Meau 最開心 之後九唔搭八傾咗成 10 分鐘 哈哈
里奧大人偷影 不過佢都幫我哋影咗唔少相呢 開心開心
又周圍行下
里奧大人自己周圍去影相
人力車 好想坐呀 哈哈
又影下花
我同阿妹行入去睇
小擺設好得意呀
蕃薯葉
紫蘇葉
一支獨秀
里奧大人話新嘢嚟㗎 佢睇住人哋整㗎 所以要我同阿妹 榴槤 AY一齊影相
金露花 (假連翹) - 我問阿妹係咪食得 ?! 佢即睇簡介話有少少毒㗎 哈哈
望到美孚 如果無埋後面座高樓就好喇
阿妹話兩隻唔同樣 我初初以為係一樣 哈哈
停一停 心呼吸
3 點 50 分回程喇
艾文話阿妹好努力答問題 雖然答十題錯十題 所以接咗呢隻嘢比佢 佢講過係咩 但我唔記得
4 點鬆啲出車 好似 4 點幾就番到里奧大人公司 因為有啲小插曲要同艾文理論 所以其實都唔知當時幾點添 ~
理論完又同佢一齊傾下偈 之後番到公司都接近 5 點幾了 ~
Debriefing 都接近成一個鐘呀 今次旅行算順利完結 但都要為着下次做得更好而要檢討呢 始終唔係純粹叫老友記跟團咁簡單 有好多事前功夫要做㗎 所以好感恩大家一齊同心合力為主作工 ~
7 點左右散會 同里奧大人出去食喇 ~
今晚個月亮都幾圓
沖埋涼就抖下 之後熨兩機衫 ~
喺元朗買㗎 $18/2 條 都好大條同埋好香芝麻味呀
呢個粿好煙韌 所以里奧大人話啱哂我
睇多陣 "肌肉山山" 今晚 10 點半都瞓覺喇 ~
沒有留言:
發佈留言