泡菜湯 ($54) - 今次要少飯 但我覺得泡菜湯比較酸 下次會叫番豆腐湯 哈哈
有幾片超級細塊嘅五花腩
辣雞肉 ($64) - 里奧大人都係少飯 我最鍾意有好多菜 同埋一 Set 份量真係唔少 飯又係一粒粒 好怕食啲飯係腍 Pat Pat 呢
( 15-JAN-2024 MON )
今朝 6 點 14 分醒咗 之後又瞓唔到咁 所以 6 點 34 分都起身做運動喇 反正今朝里奧大人要去整嘢 我可以早啲整早餐呢 ~
我鍾意睇日出多過睇日落
里奧大人無咩胃口 咁早餐整啲新意啦 就係衛星包夾芝士肉鬆 哈哈 佢話好味呀 咁就好喇 ~
菇場忙咗陣就 Hea 過 不過啲時間好快過 因為隔多三個鐘就食飯嘛 哈哈 ~
Lunch Time 未餓就行 20 分鐘先 買埋紅蔥頭就去食鯪魚球河粉喇 ~
聽到兩個男人對話 佢話大家樂啲飯係唔熱 咁我心諗唔熱有咩出奇吖 佢啲質素係咁上下嘛 之後佢話佢係食煲仔飯呀 我都忍唔住笑出嚟 咁煲仔飯啲飯唔熱 又係離譜喎 ~
食完再行陣 買埋厚身絲襪同甜餐包就番菇場喇 ~
仍然唔忙 繼續做自己嘢等放工 ~
放工即走 約咗里奧大人去德福 不過佢未到 我就去 A1 買包再去馬莎買零食 ~
買完就同里奧大人去亮視點 睇下啲度數有無加深咗 因為仲係覺得唔係咁舒服 ~
我叫驗光師幫里奧大人整鬆啲個眼鏡框 成日除完眼鏡就有個眼鏡印 但里奧大人自己睇唔到囉 我話咁樣都會有影響呢 ~
驗光師教咗啲方法比里奧大人 話真係要時間適應 起碼兩個月啦 記住要堅持呀 ~
我哋聽完驗光師咁講 真係放心哂 始終里奧大人反應比較大嘛 ~
咁搞掂就走啦 驗光師再叫里奧大人要堅持呀 好搞笑 ~
搞掂就去 Catalo 買嘢 經過零食物語有米餅 所以即買二十包 之後再買二十包花生比里奧大人食 買完就去淘大食晚餐喇 里奧大人話去 Korean Hungry 估唔到佢記得我鍾意食喎 算佢啦 哈哈 ~
之前家姐買過米餅比我食 但家姐話之後無見過喇 我仲以為無做添 所以見到即買喇 始終唔係成日會見到零食物語嘛
食完都搭車番屋企喇 沖埋涼就休息下先 ~
Redcurrant Puff ($40) - 買比里奧大人同事食嘅
Milk Chocolate Honey Comb ($19 特價) - 見到呢個價錢 我估係一個星期後到期 估唔到係 2 月底先到期 所以即買兩包 同家姐每人一包
日式刀豆米果 ($20) & 酥炸花生 ($20) - 我覺得細細包最好
金裝護眼藍莓精華 60 粒 ($728) - 媚媚介紹比里奧大人食㗎 佢話食咗有改善 咁就買嚟試下呢
今晚同里奧大人一齊睇 "無窮之路 3 無垠之彊" 新彊呢個地方真係好靚 但靚嘅地方係最少海拔三千幾 里奧大人已經話我去唔到 我話聞住氧氣去囉 之後佢話我上次去黃山海拔一千幾都已經好辛苦啦 咁又係 嗰次全程胃脹同埋個人係無氣 諗番起都辛苦 哈哈 ~
睇多陣 Youtube 今晚 10 點半即瞓喇 ~
沒有留言:
發佈留言