生炒骨拚辣子雞 + 魚香茄子拚糖糟骨飯 +肥叉燒鴨飯 (外賣) ( 12-JUN-2024 )

生炒骨拚辣子雞 - 今次買 2 款剩餸   好似 $45 咋   真係好抵食   同埋生炒骨真係整得好好食   所以我每次都會買   里奧大人話辣子雞好惹味   其實好笑囉   我明明話要椒鹽骨家嘛   依家錯有錯着   哈哈

魚香茄子拚糖糟骨飯 - 我本來買 1 盒白飯   不過好在佢無比   因為我見到魚香茄子好吸引咁   所以改為買多個兩餸飯   魚香茄子真係好味呀   我覺得今次買嘅 4 個餸都好味呀

肥叉燒鴨飯就比里奧大人做 Lunch Box   但其實只係比肥叉佢咋   尋晚食咗燒鴨   唔想佢食咁多餐   所以今晚又剩咗 1 盒飯同啲餸   咁聽晚又要再食 lu 

( 12-JUN-2024  WED )

尋晚去完廁所   真係超級快就瞓得番   所以今朝我起身嘅時候   都諗緊自己尋晚有無起身去廁所   哈哈 ~

感恩今朝起身都精神   尋日真係唔知做乜鬼   個人攰到死死下   真係好少會咁囉   可能真係每月一到影響   無氣又無力咁 ~

今朝同里奧大人出去食早餐   飲完杯咖啡真係好精神   其實我都覺得自己好勁 (悶)   成日食碎蛋三文治   但我又真係好鍾意食喎   呵呵 ~

菇場唔忙   同冰姑 Skype 咗一陣就 Server 死咗   好在講哂我想講嘅嘢   我當堂放鬆咗好多   感恩感恩 ~

Lunch Time 出去食豬潤米線   因為菇場無得上網   唔想咁早番去   呵呵 ~

食完又行下一田   行下行下又行到 12 點 50 分呀   好在望下手錶咋   唔係會再繼續行囉 ~

菇場仍然無得上網   好在依家手機數據成日用唔哂   今日可以盡情用喇 ~

船頭又請我食嘢零食

放工即走   今晚去睇中醫   貧血係有但唔算嚴重   但就嚴重無氣囉   所以每月一到咁耐   唉 ~

買埋晚餐就番屋企   食完抖陣就開機洗衫   沖埋涼就休息   里奧大人就熨衫 ~

睇完電視再睇 Youtube   今晚 10 點 20 分要瞓覺喇 ~