蠔油燜鵝掌排骨 + 薑蔥蓉炒菜心苗 ( 17-JUN-2024 )

( 17-JUN-2024  MON )

感恩一覺瞓天光呀   諗住轉身望下個鐘   之後鬧鐘就響 lu ~

早餐食亞麻籽藍莓扭紋包   口感煙煙韌韌又唔錯喎 ~

今朝晏起身   所以只得 5 分鐘時間靈修   依家其實都想習慣朝早一有時間就靈修呢 ~ 

菇場忙呀   所以時間過得好快 ~

Lunch Time 出去食水餃河   食完又行半個鐘   差唔多番到菇場就落好大粒嘅雨   我初初以為因為我喺樹下面行   但原來真係落雨   當時仲有太陽㗎   所以即跑番去菇場啦   其實我有帶遮嘅   不過唔想開 ~

唔忙就做自己嘢喇   阿爽成日懶係忙咁   但又走去切生果   再扭下擰下咁出嚟比阿輸   真係唔明點解唔可以正正常常咁行出嚟囉   一係就要 "哼" 一聲咁行出嚟   嗰時 8 卦都成日講   都唔知做咩成日要 "哼" 一聲 ~

放工即走   今晚就咁蒸嘢淥菜就搞掂   星期一最好係咁   哈哈 ~

是日晚餐 - 蠔油燜鵝掌排骨 + 薑蔥蓉炒菜心苗

蠔油燜鵝掌排骨 - 我勁想食鵝掌呀   本來諗住一次過整哂 8 隻   但又好似太多咁   我覺得食鵝掌都好滯   所以我一定唔會食飯   咁里奧大人要帶飯   我就煮埋排骨喇   無理由就咁得冬菇咁悶嘛 ~

薑蔥蓉炒菜心苗 - 尋晚剩咗啲薑蔥蓉   咁唔好嘥啦   用嚟炒菜就最好 ~

洗埋碗就沖涼   之後睇 "繼承者" 同 Youtube ~

今日 HKTV Mall 送貨   家姐知道里奧大人鍾意飲 IF 椰青山   所以有 95 折即買比我哋   但要夠 $500 先有 95 折   咁因為送去我屋企   我又真係唔需要油同米   咁家姐唯有買 Berry 嘅零食啦   重點係要夠輕   我拎番比家姐就無咁辛苦嘛   估唔到佢咁細心諗到   哈哈哈哈

依家 Berry 啲零食仲多過我

家姐比我㗎   無諗過係咁辣   我覺得泰國零食有隻辣椒就真係代表好辣   反而韓國包裝係紅火同辣椒就唔覺得辣   哈哈

今晚 10 點睇睇下 Youtube 都瞓着   瞓到 10 點 10 分   之後都係入房瞓喇 ~