莎樂美腸薄餅 ($36) - 其實未餓但想食嘢 所以同里奧大人講話一係食薄餅 一係食意粉 佢揀咗薄餅
中華海草 (雙倍) ($18) - 家姐話係咪買番屋企食 ?! 我話出街食喎 佢話唔認得我屋企張枱 呢個答案幾搞笑 哈哈
原味雞翼 ($20) - 唔餓嘅時候都覺得好味 即係真係好味 家姐係咁教我㗎
( 23-JUN-2024 SUN )
今朝同里奧大人一齊起身 不過我就係同家姐食早餐嘅呢 ~
家姐今朝着我送比佢件衫 佢話都唔記得邊度買 我話我喺曼谷買比妳㗎 我都有 1 件 其實我都係呢排先着咋 之前肥到着唔落呀 所以減肥係好㗎 買咗啲衫可以着番 所以里奧大人成日以為我又去買衫囉 ~
蜂巢芋角 - 我話唔食 但家姐就好驚訝話 "妳唔鍾意食呀 ?!" 咁我唯有叫嚟食啦 哈哈
迷你珍珠雞 - 呢個好味呀
醬皇蒸鳳爪
鮮蝦三寶餃
薑粒雞包仔 - 我上次話鍾意食薑 所以今日佢又出現了
鴛鴦燒賣皇
今次我請啦 家姐又話佢要儲分 我話兩樣嘢嚟囉 妳有妳儲 我有我比 ~
飲完就番屋企 最鍾意聽到 Berry 怪叫歡迎我 哈哈 ~
家姐今朝忙啦 係咁叫同事幫佢喺日本買個 LV 之後原來仲要係同事個女 佢個袋好似兩萬幾港紙 但家姐話即過番日元比佢 佢又話等個女番嚟先計 最搞笑之後佢同事話阿妹買唔買 ?! 我即耍手擰頭話唔要啦 家姐買到個袋就笑得好開心 因為佢話本身已經想買 但同事用緊又唔係咁好咁 驚人哋唔鍾意同人撞款 咁佢同事話唔介意 家姐先敢買 同埋佢哋其實都唔同 Team 好少機會撞到 除非一齊出去食飯呢 ~
家姐唔得閒理我 咁唯有煩住 Berry 啦 哈哈
家姐叫我量血壓 我話上下壓好靚喎 之後佢笑住話唔知準唔準 我話我笑唔出囉姐姐
Berry 又黐咗線呀 唔敢自己跳上梳化 我話係咪跳親呀 ?! 家姐話今朝先跳上佢張床咋喎 Berry 女真係奇奇怪怪
好難得貼住我咁瞓
家姐都忍唔住幫我要影相 哈哈
上次家姐幫我影相 影咗成百張呀 我叫佢今次唔好影咁多 之後佢話張張都唔同㗎 係 Berry 合埋眼同開眼㗎 真係唔係佢咁講 我係無留意 Berry 對眼 哈哈
呢張好明顯係開眼啦 同埋佢依家真係好肥
無啦啦瞓落我隻腳上面呀 所以家姐同我都唔敢郁
喺我隻腳上面瞓咗 15 分鐘都有呀 好在無腳痺
之後我哋又傾偈啦 傾下傾下已經 1 點幾 所以陪家姐帶 Berry 行街喇 ~
家姐同姐夫出去食嘢 因為一陣要同里奧大人去搞啲嘢 所以喺家姐屋企坐多陣先 咁等埋里奧大人放工就一齊去食下午茶喇 ~
香茅燒牛肉撈檬 ($52) - 我要少檬粉 咁就可以食得哂
酸醋好味呀
西貢咖哩牛腩飯 ($62) - 個咖哩汁都幾濃味 唔錯唔錯
話梅柑桔
食完嘢要去搞啲嘢 差唔多 6 點先番到屋企 又唔想買外賣 咁我話去食 Pizza ~
感恩有位呀 因為如果多人就唔食囉 ~
食完即番屋企 沖埋涼就休息休息喇 ~
睇下 Youtube 打下機 今晚 10 點半瞓 但里奧大人同我傾偈 傾到 11 點先瞓 ~
沒有留言:
發佈留言