滋味蝦堡套餐 (外賣) ( 22-JUN-2024 )

滋味蝦堡套餐   細薯條就係用親子會 Coupon 換嘅

我哋覺得蝦堡唔好食

( 22-JUN-2024  SAT )

感恩又係一覺瞓天光   但我知到肯定未夠 7 點   所以忍唔住睇個鐘   只係 6 點 08 分   咁可以繼續瞓   哈哈 ~

早餐食吞拿魚包   因為要食飽啲呀 ~

今日有 LA 事奉   我負責帶一個遊戲   所以今日緊張得滯   成日搞肚痛呀 ~

菇場唔忙   又做自己嘢 ~

同阿 Man Whatsapp 咗 2 個鐘   同佢又係識咗好多好多年   由舊同事變為朋友   所以我覺得好難得   雖然真係唔係成日見   同埋都真係可能十幾年無見   但間唔中都有聯絡   始終以前啲同事係比較真心   我係好放心同佢咃講嘢呢 ~

傾完又再做下自己嘢   所以好快放工 ~

同里奧大人出去食午餐   食完就番屋企拎嘢   之後就要即出去喇 ~

燒味雙拚飯 ($59)

板燒豬扒腸仔意粉 ($64)

今日有聚餐   所以我喺 Pantry 整菠蘿腸仔   個個見到都話 Party 小食呀   哈哈 ~

我搵咗 4 間超市先搵到罐頭雞尾腸   係咪依家唔興食罐頭腸仔呀 ?!   菠蘿就買咗 3 罐   咁我分開時間買㗎   但原來係有分原片同菠蘿粒嘅   哈哈   我都無為意添

大功告成   我特登將腸仔切粒   咁就唔駛見到咁多牙簽部份   但用多咗一倍時間   所以明明好鬆動變咗好趕呀

整完都已經差唔多開始聚會   好在趕得切咋 ~

         

我負責帶一個遊戲   咁我介紹玩法嘅時候發台溫呀   可能有家長喺度   我緊張啲   哈哈 ~

今日有小食會   所以里奧大人一聽到就喺度笑   話有得食就實開心啦 ~

開餐

Nachos (蕃茄沙沙醬 & 牛油果醬)

青瓜薯蓉 & 蛋沙律馬利餅

金菇牛肉卷

蕃茄南瓜通粉

菠蘿腸仔

神秘蛋 & 朱古力 & 青提子

小食會完畢就去里奧大人公司坐下啦   本來事奉完之後約咗石頭去食糖水   但佢唔舒服都無番到   所以真係好搞笑啦   上次都話未必成事   點知真係開心中呀   哈哈 ~

今次非常感激里奧大人幫我手整 Power Point   因為佢今日係放假呢   但整完都陪我去 Set-up ~

我特登拎比里奧大人食㗎   話哂佢都有幫手   哈哈

同里奧大人番崇拜   估唔到崇拜完又有小食會   今日真係食足全日咁呀   哈哈 ~

沙爹魚蛋牛丸豬皮好味呀   啲豬皮非常之入味

椰果蒟蒻   我立一立以為係冰粒   之後佢哋話係蒟蒻   我就即刻食咗 2 粒   煙煙韌韌好鬼正呀

咁我真係食到有啲飽   所以里奧大人話買麥當勞番屋企食喇 ~

沖埋涼先開餐   真係好鬼爽 ~

睇下 Youtube 又到 10 點 45 分   係時候瞓覺 lu ~