生炒骨拚燒鴨 + 黑椒牛仔骨 (外賣) ( 20-JUN-2024 )

生炒骨拚燒鴨 ($45) - 我本來想買半隻燒鴨留番聽晚   但估唔到兩餸飯有燒鴨囉   所以勁開心呀   哈哈   咁燒鴨就可以比里奧大人做 Lunch Box 呢

黑椒牛仔骨 ($50) - 上次想買但見薯仔多過牛仔骨   今次我見人哋買咗   又見無咁多薯仔   咁要買啦   但其實係留番聽晚食㗎   呵呵

好似 $10 一盒   如果係就好抵囉   咁鬼大盒

( 20-JUN-2024  THU )

感恩一覺瞓天光呀   又係鬧鐘未響都醒   不過仍然等到鬧鐘響先起身 ~

起身條腰有啲痛呀   唔知係咪因為成晚無郁過   哈哈 ~

早餐食芝士圈   我覺得好味㗎   因為我都鍾意食芝士嘢   但芝士薯片呢啲又麻麻哋咁喎   好似好濃味咁 ~

等如我鍾意狗但又驚大狗   講出嚟又係奇怪嘅   哈哈   我覺得係童年陰影囉   我細個嘅時候去阿姨屋企   佢鄰居隻大狗好熱情咁撲我   我嚇死咗咁滯呀   咁再有次同朱朱散步   隻衰朱吠隻大黑狗   之後佢衝埋嚟呀   嚇到我即刻舉起朱朱   隻狗撲埋嚟嘅時候   我係咁叫救命呀   佢主人聽到就過嚟囉   但依家諗起其實隻狗都係玩嘅   因為佢無咬我同朱朱呢   不過諗起自己叫救命真係好樣衰啦 ~

菇場忙呀   難得難得 ~

今日開始食石斛粉   睇下有無果效先

Lunch Time 出去食豬潤米線   食完先醒起去超市買椰果   難得 $29.8/2 罐   咁就去買囉   了咗件心事唔駛成日記住   哈哈 ~

食到最後 3 件豬潤真係好唔想食   因為好滯呀   但最後點都食埋去啦   今日食到有啲驚咗

忙下停下   好快放工 ~

放工去睇中醫   醫師話我嚴重唔夠氣   所以上唔到就向下流   今次要食啲阿膠補一補   唔係唔掂呀 ~

依家醫師主要幫我補氣先   唔係一陣又每月一到   咁我話駛唔駛抽血驗有無貧血呀 ?!   佢話無咩所謂   之後笑住話睇妳血色素都唔會係好   哈哈 ~

睇完去買晚餐同糖水就番屋企喇   里奧大人仲未放工   咁我沖涼先喇 ~

打比里奧大人   佢以為會出去食   因為佢喺公司等我呀   想叫我揀埋曲奇餅先走   所以最後佢要搵膠袋而遲咗番屋企   哈哈 ~

今晚我只係食餸咋   中午食完碗豬潤米線真係仲滯緊   同埋我又要留肚食糖水呢 ~

仍然食粉粿綜合凍   因為好想食粉粿同芋圓

里奧大人話 Hiphop 喺多多買㗎   估唔到里奧大人會記得係多多呢個名   因為平時問佢喺邊度買 ?!   佢只會答唔知   哈哈

睇完 "繼承者" 再睇陣 Youtube   今晚 10 點半唔夠都瞓喇 ~