尋晚去完廁所 之後都瞓得麻麻咃 個身好似好熱咁呀 可能尋晚食咗辣嘅豬肉條 ~
早餐仍然食亞麻籽藍莓扭紋包 仍然覺得好味呀 ~
靈修 10 分鐘就同里奧大人一齊出門口 因為我要趕車 哈哈 ~
菇場唔忙 可以抖下 ~
Lunch Time 出去水餃米 食完就去買菜 之後行下行下又到 12 點 45 分 要番菇場喇 ~
仍然唔忙 不過菇場冷氣又壞壞哋 所以好焗 焗到我瞓着咗呀 勁驚啦 好在只係瞓咗 5 分鐘左右咋 ~
放工即走 番到屋企即預備晚餐 lu ~
是日晚餐 - 鮮淮山蒸排骨 + 冬菇扒唐生菜
鮮淮山蒸排骨 - 間唔中食新鮮淮山都好㗎 但我只係諗到蒸排骨咋 ~
冬菇扒唐生菜 - 尋晚食剩啲蠔油冬菇 用嚟煮唐生菜係好好味㗎 ~
洗埋碗就開機洗衫 之後沖涼休息喇 里奧大人就熨衫 等佢郁下 哈哈 ~
睇 "繼承者" 同 Youtube 今晚 10 點 20 分都瞓覺 lu ~
沒有留言:
發佈留言