海港酒家 @ 將軍澳中心 ( 12-may-2012 )

野菌千層酥皮


蒜蓉粉絲蒸紐西蘭大聖子

燒雞 ( 半隻 )

福綠扒鮑螺片

四川口水雞


馬拉盞蝦乾油麥菜

金菇瑤柱扒時蔬

別不同果醋骨

芒果糯米糍

西瓜

( 12-may-2012 sat )

今朝去超市 shopping   之後去 KFC 食早餐   如果里奧大人可以陪我食早餐就好啦   不過我都係比佢瞓嘅   難得可以瞓咁晏嘛 ~

落雨真係好煩   特別係企喺巴士站度等車   因為好驚 d 水濺埋黎呀   所以我多數有車先埋去排隊 ~

番到菇場居然無停手   應該係叫多嘢做添呀   不過我唔做住   holiday mood 呀 ~

放工約里奧大人去馬莎買裇衫西褲   d 料好舒服架   最緊要 easy iron   因為我好憎熨西褲   成日會熨咗孖骨   超肉酸呢 ~

買完又去 Ppiago Food Court 食嘢   我超級鍾意去 Food Court 架   因為好多選擇   好有旅行 feel   我真係次次去 Food Court 都好開心架   不過 Piago Food Court 就無咩選擇囉 ~

里奧大人就番屋企先   我就去買餸   點知番到屋企無耐   收到里奧大人家姐電話   叫我地一齊去海港食飯   因為其他姑奶都一齊去   其實我真係唔想去   買好哂餸又好鬼攰   不過里奧大人話去就去啦 ~  

買咗盒叉燒又唔想留到星期一晚先食   所以即打比家姐   好彩佢肯要咋   丫   太興呀   好味先比佢食呢   之後佢坐咗陣就走喇 ~ 

我睇睇下電視瞓咗   里奧大人唔知   問我點出門口未   比佢嚇醒呀   所以 7 點先出門口 ~  

差唔多 8 點就開始食   d 餸黎得幾咁快呀   一次過 8 碟黎哂呀   好在用里奧大人 Iphone 影   完全無對焦添架   求其影架咋   平時邊會咁快上菜丫   今晚梗想做多轉啦   母親節呀   d 人好似湧哂出黎食飯咁   恐怖 ~

兒甥女好乖呀   每個女人都有盒呢   哈哈 

食完再去里奧大人家姐屋企坐下   傾下計   10 點半走喇   好攰呀番到屋企 me me 摩摩都成 12 點幾先瞓呀 ~