炒蛋焗脆豬包 / 瑞士雞翼 - 雞翼好入味呀 其他無特別
朋友嘅芝士腸米粉餐 - 因為我碗紅湯螺絲粉黎先 所以我地覺得呢碗好清呀
火腿奄列 / 牛油方包 - 無咩特別 不過我朋友好小食呢 d 嘢 我就真係有 d 驚
( 4-may-2012 fri )
happy friday 喇 食甜甜地嘅早餐先 雖然知道個菠蘿包係唔好食嘅 但都想食 因為唔想食三文治同湯麵餐 ~
晏晝出去行陣就買油雞飯番菇場食 本來想出去食其他嘢 但個天黑哂 我又無帶遮 都係番菇場最好 ~
里奧大人上咗大陸 所以我約 cc shopping 放工即走啦 自己行完旺中再約 cc 行花園街 行到中途落好大雨 好在行舖頭 唔係真係好掃慶呢 ~
唔知做咩鬼 條腰超劇痛 所以行完就即刻去食嘢 我要坐呀 好在我地食咩無所謂 最緊要仲有時間買衫 ~
一見到茶餐廳即入 好感恩又有卡位坐 唔好講笑 坐咗半個鐘 條腰真係唔痛呀 ~
今餐 cc 請 我比番佢佢又唔要 不過算啦 下次到我 一人一次最好 ~
食完有氣力啦 要去聯合作最後衝刺喇 好感恩 買到好多長 tee 同 1 pc 今次 total 買咗 17 件 真係非常之滿足喇 ~
今晚又搭 van 仔番屋企 今日我真係好好彩 因為出旺角同番屋企都係我最尾一個上車 所以好快開車 好快到目的地也 ~
估唔到里奧大人仲遲過我番屋企 佢差唔多 11 點幾先番到 仲買麥當勞番黎食 好在我陪佢食下 陪佢傾計 如果唔係都幾陰公 ~
沒有留言:
發佈留言