板長壽司 @ 九龍灣 ( 19-may-2012 )

( 19-may-2012 sat )

woooo yoyoyo   超級開心呀   終於 off   我最鍾意就係同里奧大人一齊起身   一齊食早餐架喇 ~

9 點半起咗身   梳洗之後要同里奧大人去郵局寄嘢   之後食早餐   再去銀行整嘢   搞掂哂已經 12 點幾 lu   話咁快就無咗半日 ~



番到屋企沖涼就 hea 陣   里奧大人諗住同我行 Mega Box 之後再去尖沙咀 BLT 食漢堡包   不過我其實唔係話好鍾意食 BLT   所以我話唔去尖沙咀   之後我話有 d 魚係唔駛氧氣架   可以買黎養   所以就出閏角金魚街睇魚喇 ~

出到去到 2 點幾   去埋雲桂香食米線就再去金魚街 ~

金魚街有一個特點   就係好多間都好無禮貌   超討厭   好感恩我地買魚果間嘅阿姐好好人   教埋我地點養   我買咗紅米奇   貪佢地夠細條嘛   初初養唔會買咁大嘅魚   依家算係試養性質架咋 ~

買完金魚再去買椰撻同拿破崙   再拎埋龜苓膏就搭小巴番屋企 lu   時間過得好快   已經 5 點   問里奧大人食唔食壽司   估唔到佢話尋晚已經想食   咁好啦   順便叫埋家姐黎食   估唔到佢又買咗金枕頭比我呢 ~   

唉   今朝洗手間抽氣扇燒咗   所以叫里奧大人快 d 搵師傅黎整抽氣扇   我唔陪佢啦   因為好鬼熱呀   又攰 ~   

我就差唔多 6 點半就去板長   人齊再一齊點嘢食   終於儲齊積分可以做會員喇   家姐最開心   之後佢上黎睇下魚仔   坐多陣就揸車走 lu ~