馬拉盞叉燒炒飯 + 節瓜紅衫魚湯 ( 14-may-2012 )

( 14-may-2012 mon )

yoyoyo   星期一喇   又新開始   今朝食吞拿魚火腿三文治   好味呀 ~

嘩   菇場忙到呢   鬼咩   星期六唔願做嘛   不過都好丫   眨下眼又 lunch 喇   今日出去食手打牛丸米粉   又係好味呀 ~

yo   菇場繼續忙   之後又濕濕碎碎有嘢做   咁樣個人反而唔攰   仲精神添   唔錯唔錯 ~

今晚諗住買燒腩肉炒飯   不過太興最小買 $50   咁貴唔制   我用黎吊味咋   所以最後都買叉燒喇 ~

番到屋企超強勁呀   搞掂哂 d 餸就拖地   開機洗衫   抹柜抹書房   之後 7 點半諗住開鑊炒飯   估唔到里奧大人打黎話放工   咁我等埋佢差唔多番到屋企先炒呢   好感恩呀   咁早放工   好耐無試過平日一齊食晚餐 lu ~

是日懶餐 - 馬拉盞叉燒炒飯 + 節瓜紅衫魚湯

馬拉盞叉燒炒飯 - 尋晚食剩一盒半飯   用黎炒飯最好啦   唔好浪費   今次用馬來西亞買嘅馬拉盞醬料黎炒   見咁淺色就聞下香唔香   一大力索   原來都好濃味   搞到我即刻打乞痴添 ~

節瓜紅衫魚湯 - 好似 n 年無滾魚湯   都差 d 唔記得點滾喇   諗咗好耐先諗到應該唔駛落鹹蛋   如果節瓜肉片先要落鹹蛋呢 ~

洗完碗就熨衫   之後沖涼   再次估唔到里奧大人無帶電腦番黎覆 email   只係帶文件番黎睇   woo   睇完就話想 relax   即係食薯片飲啤酒   難得佢咁 relax   我都好開心呢   陪佢食啦   嘩哈哈 ~