椒鹽炸鮮魷
沙爹金菇肥牛
蒜蓉炒菜心
( 13-may-2012 sun )
里奧大人尋晚瞓覺前都講話呢排好攰 可能番唔到教會 如果唔係我肚餓 11 點叫醒佢 佢應該起碼瞓到 12 點幾呀下 不過都唔可以瞓咁晏啦 媽咪同家姐一陣上黎打牌嘛 ~
快速梳洗就去大家樂食早餐 食下傾下 佢話佢廠 d 女同事好嗲 有次佢隔離個男同事用 speaker 同廠嘅女同事講公事 但個女同事嗲度呢 個男同事叫 Eric 個女同事就會 " Eric 哥....柯...." 個哥字拉長講起碼 2 秒 Eric 又好輕挑咁應佢 里奧大人話聽到無管動 我覺得係姣婆遇着脂粉客咁囉 ~
食完里奧大人就去買 Iphone card 我就去惠康掃貨 見到個麻甩佬揀香蕉 每梳拻最靚果 2 隻 呢 d 人自私衰格到無朋友 企喺佢隔離個女人都望一望佢 我覺得呢 d 多數發生喺 d 阿婆身上 估唔到發生喺男人身上 有個女仔都見到 好鄙視佢呀 我今次買下買下又好多嘢 之後都係叫里奧大人幫手拎 因為真係好鬼重呀 ~
番到屋企即沖涼 抖陣都已經 12 點 45 分喇 媽咪上黎先 之後家姐又上埋黎 即開枱啦 ~
其實今日我好開心呀 因為係里奧大人主動提出同媽咪家姐打牌慶祝母親節架 仲比咗利是比媽咪 本來佢星期四約朋友今日探 bb 架 不過我話晏晝同媽咪飲茶慶祝母親節 但媽咪居然話人多唔飲 我都諗住去探 bb 啦 但里奧大人就話約媽咪黎屋企打牌慶祝 我就更係完全無問題啦 我最開心就係見到屋企人嘛 ~
差唔多 3 點就食 tea 食完又打 ~
吉列豬扒 / 薯條
沙爹牛肉包
干炒三絲意粉
打到 7 點就叫外賣 8 點有得食 好快喎 但點解我上次叫一個炒米要半個鐘嘅 唔通今晚母親節 所有人都出街食唔叫外賣 ~
食完都 9 點喇 我同家姐送埋媽咪搭車就去超市買嘢喇 家姐見到我買咗沙甸魚都幾平 所以佢又買 有 95 折嘛 不過家姐一入超市第一句就話如果我地一齊住就好唔掂 咁買法真係有錢買都無地方擺呀 ~
沒有留言:
發佈留言