( 20-may-2012 sun )
嘩 今朝起身見到缸魚 d 水好濁 有條魚仔仲升咗仙添 好驚呀 所以決定食完早餐 番完主日學就即飛出旺角買過濾器喇 ~
我地格價先買嘛 間嘢 d 人又係無禮貌 問佢點用 佢好惡咁話 "咩呀 ?! 就係咁咁咁咁用囉" 之後我地放低即走 都痴鬼線 幾平都唔會幫襯佢呀 之後去到另一間 招呼幾好呀 主動問妳要 d 咩 又教我地用 所以喺佢度買咗過濾器 硝化細菌水同網 之後再周圍行下 又買咗 d 石春同水種植物就番屋企喇 ~
前晚發現不織布衣柜爛咗條通 所以又要去買個新嘅 里奧大人就番屋企先 我就去超市買餸 好鬼忙呀 ~
里奧大人番到屋企好細心整缸魚 之後再去買泵 我就整其他嘢啦 咁佢整完就要幫手整個衣柜 依家 d 嘢真係差哂 個柜整完入房 擺好番哂 d 衫 以為了咗一件心事 點知我坐喺床尾同家姐傾電話 聽到後面勒..勒..勒聲 一望 原來成個柜塌落黎呀 嚇到我叫啦 里奧大人反而唔驚我叫 話我日日亂叫喎 反而家姐就驚喇 因為唔知發生咩事嘛 ~
唔理喇 食完 tea 先 要比自己冷靜一下呀 食完就等家姐車我地拎冬天衫去舖頭 之後就各自番屋企喇 ~
oh 要收拾殘局喇 之後即打去退貨呀 好感恩有得退呢 順便睇埋衣柜 不過唔啱心水 ~
番到屋企望一望鐘 原來已經 6 點半啦 我話煮飯喇 但里奧大人想去 Ikea 睇柜 所以叫我唔好煮 快快食完去 Ikea 呢 ~
又去大快活食算喇 最緊要夠快 食完再搭小巴去 Mega Box ~
好感恩買到個掛衣架同埋一個柜 為咗缸魚而買一個柜 妹仔大過主人婆 ~
買哂要買嘅嘢 個人都安樂哂啦 里奧大人又去睇 backpack 又買到個合心水喎 我又買到泳衣 仲要原來今日係感謝日有 95 折 好開心呀 ~
今次又係坐小巴番屋企 番到屋企即執嘢啦 之後沖涼 食埋榴槤就熨衫 都 11 點幾 hea 多陣就瞓 lu ~
沒有留言:
發佈留言