煎釀三寶 ( 尖椒 / 豆卜 / 豆腐 )
攞妳命三椒 - 佢地話平時閒閒地都 3 條指天椒 辣到我呢 但佢地一 d 都唔覺得辣 @.@
豉汁蒸馬友
焗雞翼
蝦仁炒蛋
西班牙白肉瓜
魔鬼 mini @ 美心
我覺得好多 cream 好甜 @.@
B 仔呀 你個樣做乜咁慘呀
好狗唔欄路噃
工人煮嘢 B 頭望到實
麥包笑口常開 ^^
廚房太危險喇 工人抱走兩隻 佢地實在太活躍喇 肥 B 因為實在太肥 所以唔抱走喇 哈
叫佢地一齊望鏡頭真係好鬼難 但一見有人拎食物就會同一時間望 但當我拎食物引佢地望鏡頭呢 佢地又跳哂落地 真係好難搞
相隔 8 年先見到嘅 B 頭 估唔到會見得番 實在係送比家姐嘅生日大禮物
佢因為 d 牙仔蛀哂 蛀到下顎都有問題 除非要做手術 否則以後都係伸哂條脷出黎
但年紀大 獸醫唔建議做手術 好感恩佢食嘢都無問題 唔係就慘喇
d 人真係好不負責任 偷咗人隻狗咁耐 依家就遺棄佢 係咪因為下顎咁樣 ?! 係都係妳整到咁架 賤人
( 15-oct-2012 sun )
以我係一個超級為食嘅人黎講 無胃口食嘢就應該係作病先會咁 尋晚無咩胃口已經覺得有 d 唔妥 瞓瞓下喉嚨仲痛到不得了 吞口水都痛到想喊呀 ~
今朝起身喉嚨一樣痛 無燒就起身番工喇 ~
嘆完早餐就開始黎料 但喉嚨痛嘅話 飲凍嘢喉嚨會舒服 d ~
番到菇場無耐 面紅紅又骨痛 身又慶慶地 都應該有 d 燒 即刻食番粒 Panadol 又狂食喉糖 咁樣又好似舒服 d 咁喎 ~
里奧大人同客食飯 咁我就去家姐屋企食飯 想探狗狗呀 太耐無見 好想攬下 ~
無啦啦醒起 原來之前居然無買生日蛋糕同家姐慶祝 所以諗住去一田買 Cheese Cake 不過無得買 所以即去美心買個魔鬼 mini ~
等車無耐家姐打黎 問我仲想食 d 咩 傾傾下我講開芝士 之後話佢工人唔食豬 所以唔買"豬屎" 喇 我次次同 8 卦講芝士 佢一定係講 "豬屎" 所以我白痴到諗咗"豬屎"係豬黎整 之後家姐笑住話係牛奶喎 我都忍唔住大笑 太白痴喇 ~
坐 van 仔 估唔到官塘塞車 司機即刻轉線去藍田 之後暢通小阻咁啦 家姐話呢個時間好小塞車 不過好在 van 仔可以隨時轉線喎 最邪係家姐搭緊架巴士 因為司機緊急剎車 所以有人跌到 一個話腳痛一個話頭暈 咁即係無得走啦 好日唔去佢屋企食飯 估唔到我同佢今晚都係 "突然" 塞車同有 d 阻滯 ~
其實我第一次自己坐車去家姐屋企 不過都認得路 咁司機又教咗我 我都唔叫工人黎接我啦 但最後都係要佢接我 因為有隻大狼狗企咗喺佢屋企入口度 又係咁吠 又發出狼叫聲音 我超級驚呀 ~
我 6 點 40 分到咗 玩陣狗 按下摩 家姐差唔多 7 點半就番到黎 8 點開飯 之後食生果 本來諗住比 superise 家姐 不過佢開雪柜拎生果 所以發現咗蛋糕 ~
食埋蛋糕 坐多陣就走喇 家姐車我番屋企 順便拎埋生果比媽咪 我一入到屋企 差唔多 10 點 里奧大人就打黎話同客食完飯 都好丫 唔算太夜 最怕 d 鬼成日要去飲嘢 妳估第朝唔駛番工咩 ~
沒有留言:
發佈留言