蜜糖焗雞翼 + 蘋果雪梨肉眼湯 ( 6-oct-2012 A/L )

( 6-oct-2012 sat  A/L )

要清假   所以連請兩個星期六   半日半日咁拻都唔錯   好似番 5 日工咁   但之後番番星期六就唔係咁想啦   呵 ~

10 點起身   去 Delifrance 食早餐   星期六嘅 10 點同星期日嘅 10 點真係差好遠   星期日好鬼多人   同埋好嘈   唔得 relax 呀 ~

食完番屋企   個肚仲係唔舒服   所以即刻去番睇開個醫生度睇   佢講嘅嘢同之前個醫生講嘅完全唔一樣嘅   不過呢個係好有經驗嘅醫生   但果日佢無開就無計啦   迫住睇第個囉 ~

睇完就同里奧大人去舖頭   感恩來回都有車   一來一回都係 45 分鐘   勁快呀 ~

家姐車個光波爐比我   又去埋媽咪屋企拎埋 d 雞翼 雞扒 牛扒 牛仔骨比我   有里奧大人幫手拎   咁唔駛我一個人拎咁辛苦   正呀 ~   

熨完衫都差唔多 2 點半   去食 tea 喇   無無聊聊睇餐牌   再認真 d 睇   原來好鬼多錯字   笑到肚痛 ~

太 "極"

利"寶"納


飽餐 ?!


雜尾飽 ^^
焗"萄"國雞球

里奧大人做公司嘢   我就煲湯   再睇下電視   食下月餅   我覺得美心月餅最好味   食完抖陣就煮飯喇 ~  

是日晚餐 - 蜜糖焗雞翼 + 蘋果雪梨肉眼湯

蜜糖焗雞翼 - 用光波爐焗架   跟佢食譜嘅時間指示   8 分鐘 + 5 分鐘   無落老抽個顏色差好遠   同埋皮唔夠脆   之後家姐話佢同事會喺雞翼皮掃油先再去焗   咁 d 皮就脆架喇   下次試下咁先 ~ 

蘋果雪梨肉眼湯 - 要潤一潤喇   5 個雪梨 + 1 個蘋果 + $30 肉眼   初初我諗住買瘦肉   不過超市無瘦肉   豬肉檔呀姐話肉眼正呀   咁我就要啦   隔離兩個師奶猛咁話肉眼仲甜喎   買餸煲湯最緊要信 d 師奶講嘢   夠經驗嘛 ~