蕃茄雞肉腸意粉 ( 16-oct-2012 )

( 16-oct-2012 tue )

丫   今朝里奧大人話唔舒服   請咗半日 S/L   咁我喉嚨其實仲痛   又攰   其實都好想唔番   不過又覺得好衰咁   所以都係番工好 d ~

早餐食奶油多   umm   開始有 d 唔想食   但又唔想食到咁飽喎   真係有得食又煩   無得食又慘 ~  

菇場唔忙實在太好   因為唔多舒服   唔想行黎行去 ~

終於忍唔住沖咗杯桔仔蜜   其實之前呀表都成日話喉嚨唔舒服飲咗會好好   不過我懶   無沖黎飲   尋日冰姑又係叫我飲柑桔   我仲笑佢話   單憑呢句   就知佢又係馬來西亞嘅人   但真係唔到妳唔信   我飲咗第一啖   個喉嚨真係無咁痛   我再飲第二啖   我個喉嚨真係唔痛呀   超級神奇   我都忍唔住即打比里奧大人知添呀 ~ 

個喉嚨無痛   但仲喺 ki ki kam kam   食埋喉糖潤下   應該好快好番 ~

今日有 lunch box   我個 lunch box 係四方形   飯嘅份量多數係 1/3   因為次次晏晝食完飯都好滯   唔鍾意呢 d 感覺   咁尋晚家姐幫埋同事帶 lunch box   飯嘅份量好似酒樓一碗飯嘅份量   我覺得同 8 卦嘅 lunch box 咁呀   我會用 "男人份量" 黎形容呢 ~  

放工唔駛買餸   諗住煮埋星期六嘅西蘭花   點知原來爛咗 lu   咁星期日夜晚番到屋企   我見到 d 西蘭花拎咗出黎   因為里奧大人無手尾   拎完無擺番入去   我即刻 line 佢   話因為佢無手尾   又浪費食物   其實勁想打比佢   不過我唔想發火   要比自己冷靜下   但其實又會唔會 d 菜唔可以擺幾日呢   但點都好   佢不嬲都衰無手尾   承機話佢都應該囉   衰格 ~

好餓呀   所以我食先   食番里奧大人晏晝食剩嘅茄汁豬扒飯   同埋又係佢食剩嘅 2 塊方包   里奧大人差唔多 8 點番到屋企   我都唔陪佢喇   想快 d 整好 d 沙律   快 d 沖涼休息呀 ~  

是日懶餐 - 蕃茄雞肉腸意粉

蕃茄雞肉腸意粉 - d 車厘茄係星期五喺大成街街市買架   好在無爛到啫   $13 / 2 磅咋   又紅卜卜   唔買對唔住自己   咁本來諗住買免治豬肉   不過諗到之前買咗包雞肉腸   所以整香腸算喇 ~  

沖完涼諗住熨衫   熨咗一件之後行開咗拎嘢   咁里奧大人就自己行埋去熨另一件   我無叫佢話等我熨呀   由佢熨哂一機衫   鬼叫佢整到我無菜食呀   成日無手尾真係好黑我憎囉 ~