春卷豬腩肉小鍋米線 - 里奧大人勁推介 咁佢要小辣 菜仔懶勁要中辣 之後嚇佢話小辣都好辣 佢就話同里奧大人交換 @@ 不過呢間南記嘅小辣係一d都唔辣 同銅鑼灣食開果間好大分別 仲要係小咗好多米線 所以菜仔唔飽 要加多碗淨水餃雙拚先叫做飽
( 20-oct-2012 sat )
今次係自己真正嘅 off 最搞笑係我自己都放到亂哂籠 唔係睇日曆 我以為今日係要番工 最搞笑係我之前同里奧大人講我係要番工添呀 ~
10 點起身 去麥當勞食早餐 一個珍寶餐 share 食就最好 咁一陣可以早 d 食 lunch 嘛 ~
番到屋企梳洗之後就出發去長洲喇 坐 619 再轉 603 差唔多 11 點 40 分到碼頭 好感恩快船係 11 : 45 開 架船都好 full 感恩有孖位 不過坐船頭好拋呀 勁刺激 但真係好怕離心力 哈 差唔多 12 : 17 到達 又唔係好多人喎 ~
喺船度拋下拋下 搞到超勁眼瞓 所以即去麥當勞買咖啡提提神喇 ~
行陣就去蘇波記食海鮮 之前食過另一間 不過唔好食 所以次次都會去蘇波記呢 如果成日黎嘅話 都會遂間試嘅 但一年黎一次 唔搞咁多喇 ~
水煮魚 - 應該係鯇魚片啩 唔腥但多細骨 我覺得 ok 辣 里奧大人直頭話唔辣 因為佢喺大陸食係好鬼辣架喎
薯粉好味 因為煙韌 不過勁飽肚 @@
蒜蓉粉絲蒸扇貝 - 今次好味喎 同埋大隻咗 記得上次係無味同好細隻咋
椒鹽鮮魷 - 如果乾身 d 就更好 點淮鹽喼汁真係好好味
豉汁炒蟶子 - 我話要加辣 味道真係正好多呢
大藍妹 - 我無飲 因為我驚眼瞓 之後里奧大人叫我留番小小咖啡比佢提神 @.@
咖啡嘅糖水 原來唔會化開 真係唔知架 見識小 哈哈
好飽呀 又周圍行 真係無咩人喎 見鬼多過見人 咁頭先坐船果 d 人去哂邊呢 ~
芝麻餅 - 次次都好想買 不過又唔想食 所以無買 lu
平安包 - 我見到有人買 1 個 但就 share 幾個食 見佢拻開都好似硬崩崩咁嘅
經過允升甜品 里奧大人話難得無人就入去食喎 一入去好大陣芒果味呀 超正 但上次食嘅芒果超級酸 今次都係好酸 好驚 ~
鴛鴦芒果腸粉 ( $20 ) - 我食咗糯米糍先嘅 d 芒果好甜 之後再食腸粉 覺得 d 芒果好酸 叫里奧大人食腸粉再食糯米糍 不過佢話腸粉什面 d 芒果其實真係酸呢
芒果糯米糍 ( $8 ) - d 皮煙煙韌韌好味呀 不過我唔敢食咁多甜嘢 唔係我可以一口氣食 6 個架
無聊照
途經一間買 tee 嘅舖頭 諗住買件衫比家姐 之後同老闆傾下傾下又講到自己 d 狗狗 又係老狗 不過佢照顧得隻狗狗非常之好呀 獸醫話本來上年 5 月已經可能要一別 不過比佢養到依家呀 好感恩 咁都傾咗差唔多 20 分鐘 woo 係時候走 lu ~
行埋沙灘果邊 里奧大人話一定要食紅豆包 我就真係食唔落喇 之後佢好開心咁咬一大啖 但苦瓜乾面口話麻麻地 咁我話比我試一啖啦 衰得佢丫 好開心咁一嘢質入我口呀 好在我扮咬一大啖 之後慢慢 dun 番個包出黎 係核突架 鬼叫佢咁衰呀 ~
雞屎滕細佬 ?! 真係笑到肚痛
懷舊理髮店 得過獎架
行到差唔多 4 點半就走人喇 又要坐快船 因為普通船要等 45 分鐘 唔想等呀 ~
出到碼頭就打比朋友菜菜仔 去佢荃灣舖頭睇下 我地到咗佢都未到 咁我地行荃新天地 佢差唔多 7 點半先到舖頭 但佢居然唔記得拎背囊 所以要等同事比鎖匙開門 之後一定要去灣仔再拎鎖匙 咁先可以番北角拎番背囊 因為所有嘢都喺背囊度 oh 地鐵遊呀 攰到我地呢 不過咁都好 有時間傾計 ~
去到北角就一定要幫襯佢 目的就係咁 不過我屋企仲有好多嘢未清 所以都唔買得好多 情願用哂再幫襯佢 ~
諗住去新斗記食飯 不過我見到南記 即同里奧大人講 佢雙眼發光話要去南記 咁我同菜菜仔都無所謂 同埋菜菜仔話平時好多人食架 好幾次都食唔到呢 佢都好想試下 ~
差唔多 11 點就走喇 坐地鐵走 順便用埋 d 免費飛 過海用抵 d 嘛 ~
沒有留言:
發佈留言