黑椒蜜糖雞翼 + 北海道味噌豬骨湯出前一丁 ( 26-oct-2012 )

覆盆子酒 - 未試   但報導話對女性身體有好處   搵日試下先

黑芝麻糕 - 買咗 2 包   好快食哂   好香芝麻味   口感好得意

越南魚露 ( 60度 ) / 勁辣椒油

辣腐乳 / 豆豉蒜蓉醬

( 26-oct-2012  fri )

終於又 happy friday 喇   但不斷提醒自己   聽日要返回現實係要番工呢   woo   放咗 4 星期 off   好感受到星期六番同唔番嘅心情呀   唔駛番真係開心好多   哈 ~

早餐食火腿吞拿魚治烘底   我記得以前食吞拿魚治   d 吞拿魚入面好似有 d 洋蔥碎之類嘅嘢   好味之餘又好咬口   依家係一pat 咁嘅   同埋好腥 ~  

菇場唔忙   靜到有 d 頭痛添呀   好在私事忙   時間都過得好快 ~

又 lunch box 喇   同事估唔到個 lunch box 係我   因為我好小帶媽咪飯   同埋 d 餸同自己煮開嘅唔同呢   佢地話我多數炒飯 or 意粉 ~

放工約咗家姐去惠康   順便拎 d 柑桔蜜同喉糖比佢   一齊行超市最好   幫手計下數   我數字白痴   薯片 $14.5/筒   買二送一   萬寧 $18.9 / 2 筒   我居然話買買二送一平 d   家姐計埋條數出黎   我都話買 3 筒抵 d   家姐話唔想再講   有 d 頭暈 ~


佢真係好鍾意食文記煎釀三寶   好記得我旅行番黎果晚   我叫佢唔駛去我屋企餵魚   佢話無問題   我話唔駛啦   滕黎滕去   佢都話無問題   咁我話真係唔駛架喇   佢好無奈咁 "哦"一聲   之後佢講番   話好期待果晚黎餵魚   因為佢特登等最後呢日去買文記魚蛋食喎   點知無得買黎食好慘   痴鬼線   咁尋晚又陪佢食囉   樣樣新鮮炸起呀   超感恩 ~

7 點半里奧大人仲喺大陸   所以打黎叫我食先   反正有時間   我陪埋家姐等車   之後我行書局   里奧大人又話走得   好在頭先解凍咗雞翼   唔係又要出去食架喇 ~

是日懶餐 - 黑椒蜜糖雞翼 + 北海道味噌豬骨湯出前一丁

黑椒蜜糖雞翼 - 個皮仲係唔夠脆   最衰自己唔記得焗之前掃油喺雞翼面啦 ~

北海道味噌豬骨湯出前一丁 - 湯底都幾濃味   啱我 ~

里奧大人差唔多 9 點番到屋企   食完洗埋碗都已經 9 點 45 分   沖完涼就熨 2 機衫   好彩里奧大人幫手熨 1 機   唔駛我咁攰   但又唔想分開 2 次熨   我唔鍾意 d 嘢做 d 唔做 d   心掛掛仲煩 ~