豬腩肉春卷小鍋米線 ( 小辣 ) - 唔知係咪因為生意多咗 所以水準維持唔到呢 好在我主打係食佢地嘅辣椒醬啫
韭菜 - 其實我同里奧大人講話要韭菜花 不過佢話無韭菜 得韭菜 咁我都鍾意食韭菜嘅 不過唔鍾意咁樣一兜滿滿咁囉 反而擺喺碟又無問題喎
( 1-oct-2012 mon )
今朝 10 點就自然醒喇 食完早餐就番屋企沖涼 之後就出發去長洲喇 ~
搭 619 再轉 603 去到碼頭見到去南丫島 d 人打哂蛇餅 直頭唔見龍尾 超級勁多人 咁都預咗長洲都係咁 如我所料 又係打蛇餅 得愉景灣無人排 不過我又唔想去 咁啱比我望到 15 號巴士去山頂 所以就轉去山頂喇 ~
今次第一次搭巴士上山頂 我覺得好快到喎 因為次次等 Cable Car 都好耐 雖則快就快 但架巴士嘈到呢 可能外遊感覺興奮啦 唉 好似酒樓咁嘈 頭都痛 ~
其實去山頂無咩嘢做架 周圍行下咁 食埋 Burger King 就去山頂廣場行一個圈 去埋雙妹嘜買雪花膏就走喇 ~
華堡餐 - 如果小華堡餐就 $43 華堡餐就 $49 記得上次食小華堡唔夠飽 所以今次叫華堡 一見個包已經好後悔 因為個包 size 同我塊臉一樣咁大 @@ 食完飽到上腦 下次一定唔食呀 驚驚
天椒煙肉芝士華堡餐 - 里奧大人話麻麻地 到依家佢都係好懷念喺馬來西亞食嘅 Ramly Burger
粗切薯條
搭 15B 去銅鑼灣 又係好快到 好似轉幾個灣就到咁 下次真係要搭巴士呢 ~
銅鑼灣封哂路 我仲以為係因為夜晚放煙花封路 原來唔係 係 "法輪大法" 遊行 第一次見咋 個個停低睇 ~
超勁多人架 打鑼打鼓 好有氣勢咁
警察指揮交通
經過 Hysan Place 見到 GAP 大大個牌寫住 $199 我覺得抵 所以叫里奧大人入去睇下 原來每人入去都有得抽獎 我好好彩呀 抽到全單 40% off 里奧大人就 30 % off 嘩 差唔多半價 好感恩呀 ~
里奧大人度裇衫嘅時候 有位 ABC Sales 黎幫手 估唔到講英文 都幾搞笑 因為依家好多反而會講國語嘛 唉 咁里奧大人拎住 Backpack 度衫 咁點度丫 咁我當然幫佢拎啦 點知我一拎就聽到打爛嘢嘅聲 原來係里奧大人部相機跌咗落地 鏡頭直插落地呀 唔駛睇都知濾鏡爆咗 嚇到個 Sales 目定口呆 我覺得佢個樣好好笑 丫 其實我真係唔知里奧大人比埋相機我架 我以為得 Backpack 咋 5 個月內跌爆 2 次濾鏡 係咪咁好彩呀 ~
我無咩嘢想買 里奧大人就樣樣都啱 佢每次拎 5-6 條去試 之後又行下睇下 我見到啱佢又叫佢試埋 40% off 真係好抵 試咗 5 轉 滿載而歸啦佢 買咗 3 條衭 + 2 件線衫 + 3 件裇衫 + 1 件抓毛衫 + 1 件單西 + 1 件乾濕褸 Total 差唔多 $5400 不過折咗只係 $3200 有 d 仲係折上折 最感恩樣樣都係佢想買嘅 一次過買哂就唔駛煩喇 ~
之後再去誠品 不過拎住兩大袋真係比較呢 hea 同埋最大問題係太嘈啦 我真係想買書睇書架 但咁嘅環境真係唔願多留一秒 所以即閃 ~
原來都幾多人去 GAP 買衫 有對情侶拎住個 GAP 紙袋 個女人見到我地兩大袋 裝下我地個袋買咗 d 咩 之後同個男人講好似唔駛錢咁 好搞笑 講真 質地好加上又有折 同埋真係啱用先買啫 ~
去到銅鑼灣 里奧大人實去南記 不過我真係好飽 所以就咁食碟菜就夠架喇 依家南記超多印印 起碼 1/3 係囉 以前無咁多架 ~
好感恩 619 又有孖位坐 番到屋企抖一個鐘又一齊做體操 沖埋涼 睇下電視又已經 12 點 假期時間真係過得超級快 ~
沒有留言:
發佈留言