蒜蓉蒸帆立貝 + 蜜糖焗雞全翼 + 蕃薯苗 ( 10-JUL-2013 )

( 10-JUL-2013  THU )

今朝見幾好天   諗住拎番把縮骨遮出黎   雖然把遮唔係太重   但個袋好多嘢嘛   加加埋埋就好鬼重啦   所以放小一樣得一樣   咁之後睇天文台   話間中有狂風驟雨   就係見到呢 4 個字就驚啦   即刻同里奧大人講都係帶遮喇   唔帶遮肯定烏雲蓋頂   好邪架 ~

一落車   個天黑哂呀   同九龍灣係兩個世界   真係好彩有帶遮咋   幫完菇場掃貨之後   一出超市門口勁大雨添呀   如果無遮都唔知點算咯   我唔要濕身呀 ~

食埋早餐   差唔多 9 點 45 分到菇場喇 ~

依家 Partner 坐喺我後面   我唔駛望到佢   心情真係幾好   我依家係獨家村   隔離無人   不過有人都無用   都唔會出聲傾計啦   咁鬼靜   都係用 skype 傾計好 d 呢 ~  

有 lunch box   本來想出去行   但又天暗暗咁   咁唔出 lu   留喺菇場上網算喇 ~

放工去菇場附近嘅舖頭買咗包急凍北海道帆立貝 ( M $118/1kg ) 同廣島蠔 ( 2L $138 )   再買多盒芝士餅就番屋企喇 ~

番到屋企勁喇   即預備晚餐   好他條架   之後先醒起原來未煲中藥   唔怪得硬好好似有嘢未做咁啦   我之所以今晚特登蒸餸   就係想一邊爐頭搞掂哂   一邊就煲中藥嘛   好在真係突然醒起   唔係真係煮完飯先幾得煲都似 ~

搞掂哂就拖地   抹雪柜   之後再執嘢   想執好耐啦   執完真係了咗件心事咁呢 ~

今晚里奧大人 9 點幾先放工   我食先喇   唔想太夜食   咁夜食完真係瞓唔到架 ~

是日晚餐 - 蒜蓉蒸帆立貝 + 蜜糖焗雞全翼 + 蕃薯苗

蒜蓉蒸帆立貝 - 無啦啦勁想食呀   所以即買黎整  加埋粉絲墊底   真係好好食呀 ~

蜜糖焗雞全翼 - 真係好有 BBQ feel   但又唔可以食咁多喎 ~

蕃薯苗 - 尋晚食剩架   今晚就咁淥就算喇   一個字   "懶" ~

等埋里奧大人食完飯   再食埋生果都 10 點幾   又差唔多要瞓覺 lu ~