( 11-JUL-2013 THU )
又到星期尾喇 最開心呢 不過成日以為今日係星期五呀 ~
今日都幾熱 但我着中袖裇衫又唔覺好熱喎 但有時着短袖 tee 就覺得熱 可能裇衫質地薄 d 因為我真係好耐無着裇衫 lu ~
早餐食芝腿治烘底 如果家姐喺附近做嘢就好啦 可以一齊食早餐 share 食唔同嘅嘢 好似好豐富咁呢 ~
菇場忙咗陣啦 之後就 hea 等到 lunch time ~
叮飯嘅時候 8 卦叫我入 pantry 原來尋晚同事喺中山食飯 叫咗碟燒鵝無人食 所以留比我地加餸 真係好喇 呢期都好想食鵝 ~
放工去街市買菜 街市真係好熱 唔知係咪咁樣 所以賣嘢 d 人特別燥呢 不過我都係去開果幾檔買嘢 佢地比較老實同有禮貌 喺街市入面係好難得架喇 ~
番到屋企上身喇 即預備晚餐 開機洗衫 抖陣就煮飯喇 里奧大人 8 點先放工 咁我食先喇 因為我想去散步呀 ~
是日晚餐 - 沙茶牛仔骨 + 炒菜心
沙茶牛仔骨 - 想整黑椒汁 不過又唔想咁刺激 又記得有罐沙茶醬 想快快趣清埋佢呀 ~
炒菜心 - 之前喺 ikea 買咗個脫水膠盒 放 d 菜入去 拎幾拎就 fing 乾哂 d 水 勁正呀 所以依家炒菜就會乾身好多呢 ~
里奧大人 8 點幾番到黎 之後等埋佢食完 我想幫佢洗埋碗先出去散步 估唔到佢又話陪我 咁都好 一齊做下運動 出一身汗真係好正 ~
最鍾意番到屋企即沖熱水涼 熱水再凍水 正到爆 之後食蘋果 依家想每晚食 d 生果 好似健康 d 咁 ~
今晚又 11 點瞓喇 呢幾日飲咗中藥 條腰真係唔痛 但都係瞓得唔係咁好 所以想早 d 瞓呢 ~
沒有留言:
發佈留言