住家飯 @ 媽咪屋企 ( 5-JUL-2013 )

咖哩薯仔牛腩煲

蝦醬炒芥蘭魷魚仔

蒸石斑仔

韭菜炒蛋

當參淮山茨實山斑魚湯

Prama Ham / 哈蜜瓜

( 5-JUL-2013  FRI )

終於又 Happy Friday 喇   雖然我唔係星期六 off   不過都會好開心嘅   話哂星期六都係番半日之嘛   日子應該會好易過呢   哈 ~

早餐食碎蛋吞拿魚治   今次 d 包唔係凍冰冰   所以又覺得好好食咁喇 ~

菇場無嘢做呀   之後 8 卦突然 skype 同我講   話一陣提佢講嘢比我知   無耐佢 skype 比我講講講啦   之後話好在可以喺我面前講真心話   唔係佢會顛   我覺得呢句好感動呀   因為佢真係好信任我   不過講真   佢同我講嘅公司嘢   我真係唔會同同事講   我喺菇場同佢最 frd 之嘛   同埋如果我講出黎   d 人實知佢講啦   因為好多時都係佢地內部開會嘅嘢   我唔會害佢嘅 ~

無啦啦好想食酸辣米線   不過又未餓   所以行陣先買番菇場食呢 ~

今日里奧大人唔駛上大陸   我都照番媽咪屋企食飯喇   媽咪最期待呢日家嘛   我覺得 ~

家姐又係 7 點番到黎   即開飯喇   依家家姐話番媽咪屋企食晚飯會有策略   就係 lunch 只食個包   咁夜晚可以食多 d   同埋話今晚飲魚湯無咁滯   我都覺架   飲肉湯係好滯咁呢 ~

食埋生果   差唔多 8 點半就走喇 ~

好焗咁呀   番到屋企即沖涼   咁里奧大人 9 點番到屋企   又食四寶飯   我叫佢唔好再食   因為我見到都好驚呢   我講完都覺得自己衰呀   飯又唔煮   仲咁話佢喎 ~