星林居雲南米線餐廳 @ 尖沙咀 ( 16-JUL-2013 )

( 16-JUL-2013  TUE )

尋晚早瞓   今朝真係精神好多呢   感恩感恩 ~

今朝等車無啦啦好鬼餓呀   所以早餐食芝腿治烘底   夠哂飽喇 ~

大粒全部上哂大陸   菇場更加 free 到爆   呵呵 ~

尋晚特登煎條雞肉腸同整黑椒意粉做 lunch box   因為驚落雨   唔想出街食呢 ~

媽咪又煲咗魚湯比我   不過真係想睇中醫囉   所以家姐就負責拎湯同生果比我喇   因為我實會配定鎖匙比家姐同媽咪   咁我唔記得帶鎖匙都有人救我嘛  哈 ~    

放工即走喇   搭地鐵真係唔好諗嘢   明明記得旺角轉車去尖沙咀   點知諗嘢諗到入哂神   居然跟埋人地上電梯   仲出埋閘添   出閘見到車程係 $6.1 仲覺得平   之後仲開心   因為一出閘就係 C 出口   不過我見到朗豪坊呢 3 個字覺得好奇怪   點解尖沙咀有朗豪坊嘅   之後再定一定神   原本發覺自己落錯車   又要即刻搭番地鐵去尖沙咀啦   嗚嗚 ~

感恩去到唔多人排隊   仲要前 2 個無啦啦話唔睇住   勁開心呀 ~

今晚醫師居然同我講笑同傾閒計   又問我好多嘢   上次 cool 到爆架 ~

里奧大人 6 點 45 分放工   我又啱睇完等緊拎藥   所以佢話去星林居食米線喎   難得咁早放工同埋唔駛拎電腦 ~

估唔到星林居都好多人   好在早 d 黎攞位   里奧大人 7 點半到   我落咗 order 先架喇   不過都要等呢 ~

食完坐巴士番屋企   之後我換對波鞋就出去徑步喇   難得無落雨   同埋又唔焗嘛 ~

行咗 6 個圈   出咗唔小汗   勁爽呀   最正係番屋企可以即沖涼呀 ~

今晚 10 點半瞓啦   我要瞓番夠本呀 ~