住家飯 @ 媽咪屋企 ( 18-JUL-2013 )

蠔豉鹹蛋皮蛋鹹豬骨粥 - 好味呀   我同家姐最鍾意食鹹豬骨粥呢

炒麵 - 材料有蟹柳 / 芝士腸 / 韭菜 / 韭王   媽咪用咗 1 斤麵餅   所以剩番好多   呢個麵其實無咩味   好在媽咪之前自己整咗 XO 醬   用黎送麵當堂好味哂

炸雞扒 - 完全唔掂   媽咪仲話凍咗之後會脆 @.@   我同媽咪講以後唔好再炸嘢   真係好難食   妳辛苦時我又辛苦 @.@  


炒通菜 - 今次比工人炒啦   明明話要落腐乳   點知無落   唉 @.@

油炸鬼 x 3 / 鹹煎餅 / 牛脷酥 - 食唔哂   之得唔買咁多啦

( 18-JUL-2013  THU )


今朝里奧大人喺九龍灣見客   所以佢又特登早 d 起身陪我食早餐   好開心呢 ~

菇場忙咗陣呀   之後又開始 hea 過喇   正 ~


尋晚又特登整多個雞肉睇扁意粉做 lunch box   點知 d 餸又食唔哂   之後唔煎條雞肉腸啦   咁樣唔駛咁飽嘛 ~

里奧大人 3 點幾見完客就番屋企做嘢   不過佢好多嘢做   所以唔陪我去媽咪屋企   但我都照番   應承咗媽咪嘛   同埋佢咁多嘢做都唔得閒理我   咁我陪媽咪好過呢 ~


媽咪今晚煲粥   所以我放工去買油炸鬼   家姐媽咪鍾意食架   不過唔會特登買黎食啦   所以媽咪一話煲粥   我就第一時間話買油炸鬼   佢地幾鬼開心呀   哈 ~


今餐食粥炒麵都超級勁飽   我真係連生果都食唔落呀 ~


媽咪又買咗龍眼比我   好在今晚唔駛拎湯   唔係又好鬼重呢 ~


同家姐 8 點半走喇   我又勁飽   陪唔到里奧大人食嘢   所以去大家樂買叉燒四寶飯比佢   可以喺屋企舒舒服服咁食   最好不過啦 ~


飲埋中藥就即沖涼喇   今晚雖然無落雨   但好攰呀   都唔出去徑步 lu ~