煎鮫魚 - 勁好味呀 最鍾意食 d 脆邊
好多魚春 正呀
好多魚春 正呀
白切雞 - 真係好感恩 星期二已經勁想食雞 不過無同媽咪講 估唔到今餐有得食 次次佢地都會比哂 d 雞潤我食 話補血喎
虎皮椒炒鮮魷 - 用蝦醬炒其實好惹味 不過真係麻麻地鍾意食鮮魷呢 所以叫家姐食哂去 嘩哈哈
燒肉 / 叉燒 ( 外賣 ) - 媽咪驚唔夠餸所以買 不過最後都只係食咗小小 @@
腐乳炒通菜
蓮藕冬菇豬肚蠔豉湯
車厘子 - 家姐話好甜喎
( 25-JUL-2013 THU )
今朝里奧大人好早起身 因為要上廠 咁之後我又瞓番 但臨起身前發惡夢見到有人打交 打到流哂血 唉 同我尋晚睇 Youtube 嘅畫面係一樣 夜晚真係唔好睇埋 d 暴力同恐怖嘢 唔係一定發惡夢 ~
丫 尋晚特登搽按摩膏再按摩 諗住好 d 點知瞓矮頸 慘 ~
實在太大雨喇 真係要帶直身遮 睇黎今日係落長命雨架喇 ~
早餐食芝腿治烘底 但佢地比錯芝蛋治 今次比錯就一定唔要喇 因為 lunch box 又有飯 唔想咁滯呀 ~
菇場又係忙咗陣又 hea 過喇 不過整 lee 整 lu 又好快 lunch time 咁喎 今日有 d 攰 食完 lunch box 更加覺得飯氣攻心 所以沖咗半杯白咖啡 飲咗又真係精神 d 噃 太好喇 ~
放工即走啦 今晚去媽咪屋企食飯 家姐就要幫我買盒裝紙巾先番得媽咪屋企 我話買 2 條 咁我屋企已經有 2 條嘛 4 條夠哂啦 之後佢就話紙巾擺得耐會有虫 咁我都知 所以咪買 2 條囉 之後佢又話夠唔夠架 買 3 條啦 真係丫 買 2 條又話人地多 但又迫我買夠 3 條驚我唔夠用喎 ~
佢好衰架 成日要人提呢樣提果樣 自己又唔 set reminder 喎 搞到又要我記埋一份 不過我都係 set reminder 嘅 大佬 我自己嘢又要記 又要記埋里奧大人 d 嘢 邊記得咁多 同埋我覺得做咗手術之後 真係無咁好記性 成日有短暫失憶嘅感覺 慘 ~
飲完湯就食飯 依家我將碗巨湯分 2 次飲 咁先可以食到餸 不過今晚樣樣餸都啱我食 所以食完飯都食唔落生果 lu ~
8 點半走人 估唔到里奧大人同我差唔多時間喺屋企附近 叫佢幫我買忽週再喺大堂等 咁我唔駛行黎行去 呵呵 ~
雖然唔駛煮飯 但番到屋企都好攰 沖埋涼就睇電視喇 順便食埋里奧大食剩嘅薯條 成日食唔哂比人 大半包唔食又嘥喎 ~
沒有留言:
發佈留言