京蔥豬扒 + XO 醬菜心 + 齋滷味 ( 外賣 ) ( 21-JUL-2013 )

求其拎 4 隻筷子   可以抽到 4 隻唔同花嘅   幾咁勁呀   不過我無換番相同架   懶呀   照用 ^^

( 21-JUL-2013  SUN )

今朝同里奧大人 9 點半醒咗 lu   梳洗之後就去食早餐呢 ~

番到屋企就沖涼   抖陣就番教會   崇拜完畢就去 Market Place 買生果   我覺得佢地 d 生果係好食 d   咁順便買埋盒齋滷味做餸喇 ~

經過德福   見到有 " 型聚 Kidult 館 "   又影下相   因為有黃金戰士呀 ~

差唔多 2 點 45 分就出去食 tea   食完就番屋企煲中藥   里奧大人就做公司嘢   做到差唔多 6 點就瞓覺   我又睇埋 d 飲食男女   之前買買埋埋好多書   其實真係無咩點睇   真係要認真安排下 d 時間睇先得喇 ~

里奧大人 7 點醒咗   咁我都煮飯 lu ~

是日懶餐 - 京蔥豬扒 + XO 醬菜心 + 齋滷味 ( 外賣 )

京蔥豬扒 - 媽咪之前比咗 2 條京蔥   所以就京蔥豬扒啦   用豆豉蒜蓉醬炒幾炒就搞掂 ~

XO 醬菜心 - 唔想樣樣都炒   所以就淥菜心喇   加埋媽咪整嘅 XO 醬   當堂惹味哂   正 ~

齋滷味 ( 外賣 ) - 想試下 Market Place 嘅齋滷味好唔好食咋   一般啦   個齋鴨腎無咩味 ~

食完抖一個鐘就一齊去徑步   行咗 5 個圈   出咗成身汗真係好鬼爽呀 ~

我發覺塊臉好似黑咗咁   所以即刻做 Mask 呀   之後睇陣電視   臨瞓前再睇聖經   太耐無睇聖經喇   實在太過份呢 ~