京都香檳骨 - 份量好多 同樣都係好好味
炸雞 - 雖則雪雞 不過都幾入味呢
楊州炒飯 - 里奧大人又要食炒飯 @.@
( 14-JUL-2013 SUN )
尋晚差唔多 2 點先瞓得着 慘 但今朝 9 點半已經醒咗喎 咁就去食早餐啦 ~
食完早餐就去超市買菜 之後番屋企沖涼 抖陣番教會 ~
今日聽道 講 "舌頭" 嘅破壞力係好驚人 唔好睇小舌頭咁細 真係足以害死人架 我覺得講是非都算 無人會完美嘛 但真係唔好加鹽加醋囉 咁樣無咩意思 對人地又唔公平 因為人地真係無做過嘛 ~
好似菇場咁 d 人成日加埋自己 d 情感上去講人是非 妳已經唔鍾意佢架啦 咁實講到佢有幾衰得幾衰 但其實人地有眼見 所以我唔會埋佢地堆 情願佢當我係怪人 但菇場雖然多怪人 不過都感恩除咗 8 卦之外 都有幾個都啱傾 但唔係講同事嘢 多數講下自己嘢呀 食 d 咩買 d 咩咁呢 ~
真係唔想出街 焗到抖唔到氣咁呀 行 5 分鐘路程已經好辛苦 ~
番到屋企抖陣 2 點半出去食 tea 食完又要快快趣番屋企 條街實在太焗喇 ~
塊豬扒好怪 @.@
其實已經解凍咗三文魚 又買埋菜 咁里奧大人又好快做完公司嘢 但心血來潮好想同媽咪食飯嘛 打埋比家姐 估唔到姐夫都會去食飯 咁就更好啦 好耐無咁齊人 lu ~
坐坐下喺梳化都瞓着咗 不過瞓咗一陣就醒咗 lu 之後里奧大人入房瞓 我就去煲中藥 又睇下雜誌 差唔多 5 點半佢起身 咁就飲湯 抖陣就出發去食飯喇 ~
( 一出商場就見到好多唔同形狀嘅雲 我覺得好靚 )
( 雲層其實好低 所以預咗會落雨呢 )
7 點開餐 食到 8 點幾 送埋媽咪番屋企 之後無啦啦勁大雨 諗住等 d 雨細 d 先揸車走 不過見到閃電 場雨都應該有排落 所以唔理喇 照走人 因為得家姐帶咗縮骨遮 所以家姐同里奧大人行去停車場先 我同工人殿後 之後里奧大人再遮我地去停車場 咁家姐同里奧大人一出大堂 個雷超勁響呀 嚇到我同家姐大叫 里奧大人話個雷好似喺佢耳邊響咁呀 加埋家姐又大叫喎 嚇到佢呢 工人又唔驚 佢掃我背脊話唔駛驚唔駛驚 搞笑 ~
番到屋企即沖涼喇 食生果又睇下電視 11 點半先瞓 太夜喇 ~
沒有留言:
發佈留言