拚盤 ( 細 ) - 我最鍾意食拚盤 樣樣有 d
見到粒黑媽媽嘢好驚囉 原來係粒栗子
馬拉盞炒通菜 - 超惹味 正呀
牛丸冬蔭功河粉 - 好淡味 不過我又 ok 喎 但里奧大人就鍾意食泰北同特旺多 d
象啤 - 咩啤都飲喇 好鬼熱呀 不過飲咗半杯之後 先記得今晚要飲中藥 所以即刻唔敢飲喇
( 20-JUL-2013 SAT )
今朝 8 點起身 里奧大人就無啦啦去開機洗衫 之後我沖完涼 佢話佢醒咗 陪我食早餐 話食完之後再瞓過喎 ~
雖然星期六番半日好開心 但菇場氣氛仍然係超靜 真係怪 ~
尋晚放工 清潔阿姐放個桶喺我隔離 佢倒水時 d 水花彈咗落我柜桶度 之後我望一望佢啦 係好奇佢倒 d 咩嘢水落桶 原來佢倒我 Partner 杯水落桶呀 之後再搓手巾 嚇到我即刻叫佢唔駛幫我抹枱 佢次次幫我抹枱之後 我張枱好似打風咁 同埋又唔係抹得乾淨喎 我聽過幾個同事講 d 杯嘅唇膏漬仲喺杯度 佢唔會幫人洗杯 但佢其實係需要洗囉 佢只係倒咗 d 水出黎 8 卦話有次佢個杯仲有 d 茶渣喺度添呀 好離譜囉 之前 d 阿姐唔係咁架 今朝我張倒水搓手巾呢件事同 Admin 同事講 因為實在太唔衛生喇 Admin 同事講話阿姐承認倒水 但唔承認搓手巾 根本唔到佢唔認 我親眼睇住架 講真 佢唔搓手巾 我都唔會咁大反應啦 實在太嘔心喇 ~
話咁快就放工 今日喺地鐵站 join 埋里奧大人一齊去佐敦拎超市 Cash Coupon 嘩 今次又差 d 拎唔到喇 好在最後都拎到咋 只怪自己實在太大意啦 ~
拎完都 2 點幾 好餓呀 我只係勁想食餃子或者壽司 好感恩見到金田長壽司 因為呢間壽司 我想食好耐呢 但元朗太遠喇 ~
金田長壽司盛 - 想試 8 吋長壽司 其實無特別 想見下係咪講到咁震撼啫 ^^
刺身 size 同筷子差唔多長度
蟹籽沙律豆腐皮壽司 - 我鍾意食豆腐皮壽司 甜甜地好味呀
蟹籽壽司
青瓜壽司 - 如果係黃蘿蔔壽司就好啦 ^^
築地壽司船 - 木船會靚好多 哈
關東煮
珍味雙拚
曲奇雪糕
綠茶雪糕
食完行去漫畫星光大道 影下相 之後行隧道 經過地鐵站 所以去拎埋蜜糖 諗住黎到尖沙咀 所以順便叫里奧大人陪我睇中醫 去到見到得女醫師覺得唔對路 原來我睇嘅醫師係 6 點先有得睇 咁唔等啦 點等 2 個鐘呀 所以里奧大人話我頭先打黎做咩唔問有無得睇 今次我又係大意嘅 ~
步驚雲 ( 作者 : 馬榮成 )
南宮問天 ( 作者 : 黃玉郎 )
王小虎 ( 作者 : 黃玉郎 )
唔記得影係邊位添
我真係無睇過漫畫 唔知呢個叫咩名
李小龍 ( 作者 :上官小寶 )
海虎 ( 作者 : 溫日良 )
郭靖 ( 作者 : 李志清 )
老夫子 ( 作者 : 王澤父子 )
牛仔 ( 作者 : 王司馬 )
哨牙珍 ( 作者 : 甘小文 )
壽星仔 ( 作者 : 上官小寶 )
癲噹 ( 作者 : 貓室 )
馬仔 ( 作者 : 馬仔 )
麥兜 ( 作者 : 麥家碧 )
( 喺尖沙咀地鐵站西鐵入口附近拎嘅蜜糖 一來一回行到腳軟 @@ )
無得睇就即刻去 Gap 啦 想買襪比家姐呀 因為買 5 件以上有 7 折 平過上次 同埋家姐上次見到好鍾意 所以今次買 10 對比佢啦 里奧大人無啦啦又話買多 2 對比自己 咁一場黎到 我都買咗 2 條 1 pc 今次買咗 $340 咋 超級抵玩 ~
里奧大人話攰呀 所以去埋 City'super 就諗住去 Food Court 買杯嘢飲抖下 點知裝修 咁所以直接坐巴士去九龍城食泰菜喇 ~
( 5 點幾咋 個天已經黑哂 )
一心想去泰北美食 點知執咗 咁即係上次去已經都係執咗架喇 咁轉去隆姐 又要等位 6 點咋 估唔到咁爆 咁即去隔離小曼谷啦 好感恩有位呀 因為我想帶里奧大人食好耐啦 ~
唉 冷氣唔夠呀 越食越熱 我飲咗 5 杯水呀 食完行個圈就坐巴士番屋企 lu ~
番到屋企 里奧大人第一件事係飲馬蹄爽 仲成罐飲哂 話好口渴 之後我都飲西柚汽水 因為真係超級口渴 小曼谷實在太多味精喇 唔怪之得頭先飲咁多水啦 仲以為自己熱添 ~
今晚同里奧大人好 relax 呀 沖完涼就睇之前錄咗嘅電影 食完薯片再食爆谷 飽到呢 ~
( 維格嘅焦糖爆谷 又幾好食 最緊要唔太甜呢 )
沒有留言:
發佈留言