煎餃子．專門店 @ 九龍灣 ( 22-JUL-2013 )

韭菜水餃 - 差唔多全部係韭菜   唔通韭菜豬肉餃先有豬肉 ?!

原味煎餃子 - 咁 1 客係有 10 隻家嘛   唔係我開聲話點解得 7 隻   佢都唔覺有問題 @.@  

滷水雞翼米線

( 22-JUL-2013  MON )

尋晚 11 點幾都眼瞓   點知入房又瞓唔着喎   之後又去幾次廁所   我諗應該係尋日晏晝飲凍奶茶   夜晚瞓唔到   因為好多時星期日都係眼瞓又瞓唔到囉 ~

早餐食芝腿治烘底 + 咖啡   飲完咖啡都唔多精神   預咗今日都係攰架喇 ~

做咗一陣嘢又等 lunch time   今日有 lunch box   本來食完想出去街   但個天又好似想落雨咁   都係唔行喇 ~

放工睇中醫   今次唔係等好耐咋   感恩感恩   醫師同我打完脈   話我好咗喎   又問我有無瘦到   我話無喎   點解會瘦嘅   佢話開咗 d 藥等我無咩胃口   我話我仲好食得喎   都唔記得問點解要令我無胃口添   不過都估到架喇   我肥嘟嘟嘛   呵呵 ~

實在太感恩喇   拎埋藥   6 點 45 分搞掂   即打比里奧大人   佢見我咁早搞掂   佢話早 d 放工拎嘢番屋企做呢 ~

今晚又坐巴士番屋企   唔塞車嘅話   20 分鐘已經番到九龍灣   好過搭地鐵   因為地鐵實在太多人喇   好有壓迫感   超唔鍾意囉 ~

超勁想食餃子   所以一定要食餃子喇 ~

家姐又拎咗冬瓜袪濕水同酸薑比我   不過今晚飲唔到啦   太夜嘛   同埋我又要飲中藥   唔飲咁多嘢喇   留比里奧大人聽日帶番公司飲呢 ~

太攰喇   都唔想徑步   咁開機洗衫   沖埋涼就即抖   10 點 45 分就瞓覺 lu ~