南記粉麵 @ 銅鑼灣 ( 14-SEP-2013 )

( 14-SEP-2013  SAT )

今朝要 8 點半起身   因為約咗家姐去銀行   差唔多 10 點半先搞掂   之後家姐再同媽咪去另一間銀行搞   咁我就去鴻星搵位飲茶   咁啱里奧大人約咗大姑奶去飲   所以一齊飲喇   不過好奇怪係大姑奶同里奧大人又會自己傾計   搞到好似搭枱咁 ~

素粉果

煎韭菜角

沙律明蝦角

秘汁抄手

醬汁蒸鳳爪

鮮竹牛肉球

蜜汁叉燒腸

牛肉腸

切雞飯

飲到差唔多 1 點   我同家姐送媽咪搭車   之後行埋阿信屋   家姐上黎我屋企拎 Gas 爐   其實一早話擺喺佢度啦   我小用嘛   但姐夫話驚搬屋整唔見   我同家姐都話唔見咗怕咩喎   又唔係貴嘢   買番個新咪得囉   呵呵   咁唔駛家姐成日拎黎拎去嘛 ~

依家真係個個都轉買 Samsung 機   所以里奧大人同家姐都心大心細   家姐就無咩所謂啦   用黎打出打入 whatsapp 打機之嘛   但里奧大人就要影埋相   但 Samsung d 機影 d 相嘅顏色真係唔得囉   都唔係原色黎嘅   影白色變咗米色   咁就唔係咁得啦 ~

之後傾下傾下又差唔多 2 點   咁家姐已經開咗門出門口   但里奧大人又問佢食唔食嘢   咁家姐話其實唔太餓   但都可以陪我地食   又入番黎坐喇   咁我即沖涼換衫走人 lu ~

今次帶家姐去食譚仔   因為想同家姐食土匪雞翼呀   家姐咩都大辣   我就中間   里奧大人就偏小   所以今次叫 2 辣   但估唔到今次唔麻唔辣囉   但里奧大人就話辣 ~

土匪雞翼

蒜泥白肉

過橋米線套餐

食完就同家姐一齊坐 619   佢就官塘落車   我就同里奧大人去銅鑼灣   因為我想買背囊   里奧大人就想去影花燈呢 ~

我雖然話買背囊   但其實咩袋都會望下   所以又買咗個手挽袋   因為橙紅夠 sharp 呀 ~

頭先去譚仔食嘢食得唔多   因為我驚太油會肚屙呀   所以行完 Sogo   我話要去食麥樂雞呀   因為有 d 餓同埋好眼瞓   食完真係精神好多呀   哈 ~

之後家姐打黎   話媽咪話希慎有得買梳打餅   我同家姐都好奇怪   媽咪點會識希慎   之後我打番比媽咪   原來媽咪睇報紙   知道希慎有得買梳打餅   不過就無留意希慎邊間買囉   咁我都會幫手睇嘅   不過就唔擔保可以買到囉 ~

去到希慎   行埋 Gap 睇衫先去買梳打餅   里奧大人又買咗 2 條褲同 1 件線衫   成日口口聲聲話我成日買衫   我發覺佢其實買嘢 "狼" 過我呀 ~

非常之感恩   其實今朝我同家姐都去咗萬寧同阿信屋搵架喇   不過又無喎   所以諗住再去其他地方搵搵   估唔到媽咪打黎話我地知有得買   最感恩係我地一出 Gap 就見到 Jason   咁我覺得媽咪係睇到 Jason 廣告囉   因為我喺報紙都見過 Jason 廣告   不過無留意賣 d 咩   所以就去 Jason 睇睇   真係有媽咪想要嘅梳打餅呀   即買 4 包比媽咪   因為又做特價嘛   不過其實我唔知其他地方係幾錢   哈 ~

買完就行去維園影花燈喇   不過無咩風   所以都幾熱下   影完就去南記食嘢 ~

又會由得佢爬嘅   但有 "食蕉" 架喎   點解唔阻住佢嘅 @@

太空館 ^^

水樽加 LED 燈

 食完就坐巴士番屋企喇   本來今晚諗住徑步   不過今日都行咗好多路   對腳好攰   所以唔徑喇 ~