粒粒車打芝士包 ( 美心 ) ( 6-SEP-2013 ) & ( 7-SEP to 8-SEP-2013 )

( 6-SEP-2013  FRI )

終於又 happy friday 啦   依家超級非常之想每個星期六都係 off 呀   咁樣可以陪里奧大人呢 ~

早餐食奶油多   估唔到呢間茶餐廳都有   因為餐牌無寫嘛   我尋日見人食先知有咋 ~

菇場唔忙實在太好   因為好攰呀 ~

嘩   原來每月一到   好在有胃口食埋個 lunch box 咋   唔係就嘥嘢喇 ~

個肚無咩痛   不過放工都係睇定醫生先   順便拎埋聽日假紙   其實如果唔肚痛   我都會番工嘅   最搞笑醫生好肉緊咁講話唔舒服唔好番工   命令式咁架   梗係咁講啦   我唔係妳員工嘛   哈 ~

勁想食大包   所以去海寶睇下有無   原來夜晚係無點心買   又行番鴻星睇   佢都無哂   所以又走番去美心買包番屋企食算喇   個肚開始黎料 ~

番到屋企即煲滾 d 湯   食埋湯渣   因為里奧大人唔食架   咁我之後未必食得落   所以今晚食埋去喇   再食咗小小麵包   洗埋碗抖陣就沖涼喇   個肚開始痛添   嗚嗚 ~

沖完涼即食藥   之後灘喺梳化一路睇電視一路瞓   里奧大人又上咗大陸   差唔多 10 點半先番到屋企   佢一番黎   我即入房瞓喇 ~ 

( 7-SEP-2013  SAT )

個肚痛呀   真係要 S/L 呢 ~

瞓呀瞓   又係咁沖熱水涼啦   又嘔   好鬼煩   所以瞓到 6 點   咁又好 d 喎 ~

之後里奧大人姐夫上黎拎電腦   差唔多 7 點就走   佢仲以為我上星期病到今星期咁勁添呀   我話係唔同嘅病呢   哈 ~

今日係 8 卦結婚   不過我真係去唔到   所以 whatsapp 話佢知我唔舒服唔到喇   佢應該好嬲我啦   因為我唔黎即係唔替佢開心嘛   佢成日話都咁講 ~ 

又係無胃口食嘢啦   所以里奧大人去買麥記番屋企食   我食咗幾條薯條   因為新鮮熱辣好好味呢 ~

10 點瞓喇又   反正里奧大人做公司嘢   又無電視睇   慳番 d 電   呵呵 ~

( 8-SEP-2013 SUN )

仲係肚痛   真係只有瞓瞓瞓呢 ~

不過今日瞓到 5 點就唔敢再瞓喇   驚今晚瞓唔着嘛 ~

但好感恩都有胃口食嘢   勁想食五寶飯   所以里奧大人即刻去大家樂買喇   佢自己就食焗豬扒飯   因為我話我想帶 lunch box   所以自己一盒飯喇 ~

睇埋 "衝上雲霄 2 " 大結局就即瞓喇   聽日要番工呢 ~