南丫島半天遊 + 香港仔魚蛋粉 @ 旺角 ( 20-SEP-2013 )

牛什河 - 最鍾意多蔥

魚蛋魚片頭河 - 里奧大人話要清清地   但落辣椒油多過我喎 @.@

菜心

我覺得呢間香港仔魚蛋粉嘅燈好靚   因為唔係間間都係咁

雙皮燉奶 - 食完當堂飽到上喉嚨

薑汁燉鮮奶 - 咁我唔想兩碗都一樣   咁里奧大人又話會幫手食   點知又話呢碗薑汁唔好食   食到佢反胃喎   反胃咁大鑊   咁即係要我食哂囉   慘 @.@

( 20-SEP-2013  FRI )

嘩哈哈哈   放假好開心呀   今朝瞓到 10 點 40 分自然醒   但其實里奧大人好早已經醒咗   見我瞓到豬一隻咁先唔叫我咋   嘩哈 ~

尋晚同里奧大人講如果早起身就去 Delifrance 食早餐   依家唔駛啦   所以又去番金姆指喇 ~

食完就番屋企抖陣   沖埋涼就出發去坪洲喇 ~

感恩好快有 619 同 603   差唔多 1 點去到中環碼頭   但去坪洲要 1 點 40 分先有船   所以我地轉去南丫島喇   因為 1 點 30 分有船   其實都唔係差好耐   不過我覺得坪洲無咩嘢睇  純粹行山   但今日爆熱   所以一定唔行山   我仲有好多嘢未實現   所以想留番條命仔呀   所以即轉去南丫島 ~

BB 背脊塊墊係絨毛黎架   仲好厚身   我望見都熱呀   之後見到有個鬼婆仲勁   着乾濕褸呀   我勁想叫佢除咗去呀   哈 

估唔到去南丫島好快喎   聽咗幾首歌就到咁嘅   一落船就影下相先啦   因為我覺得好熱   之後應該唔會點影相架喇   哈 ~

2 點 lu   其實都唔小人入南丫島架

釣完都唔敢食啦 @.@   

望住個海真係好舒服

我唔會再行前影   因為好驚跌落海   所以里奧大人話我無鬼用   哈
   


我想坐埋去影架   里奧大人問我唔驚咩 ?!   我話唔驚   行到埋去就擰住頭同佢講   umm   我都幾驚   我都係唔坐喇   嘩哈哈

行行下有個女仔望住我   係好想同我打招呼果隻咁架   我覺得好奇怪   因為我真係唔識佢   原來佢係我會計部同事 PMS 個 frd   可能同事同佢講見到我   所以望住我   我覺得我最搞笑係反而望唔到我同事   之後傾咗幾句   我仲以為佢咁早就行完   但原來佢話有個 frd 唔舒服   所以行唔到山   要出番市區呢 ~

同里奧大人周圍行陣先   實在太太太太熱喇   所以買杯百香果珍珠   飲完舒服好多 ~

百香果珍珠   d 珍珠好煙韌呀

又見到

之後又行下   差唔多 2 點半就去食嘢喇   今次又去土耳奇餐廳   因為坐近門口   d 人出出入入好唔方便   咁里奧大人話轉位坐牆邊啦   點知焗到呢   反面門口有風扇吹到   所以里奧大人好內疚啦   因為知道我好焗唔太舒服   同埋唔知點解對眼好澀呀   超辛苦 ~

炸魚薯條 - 魚唔腥   脆漿唔厚   都唔錯喎

烤雞串燒卡巴 ( 配比得包 + 2 款土耳奇醬汁 ) - 想食好耐喇

土耳奇鮮制檸檬特飲 - 轉特飲要加 $15/杯   無冰嘅   同埋一陣洗潔精味道咁   之得要汽水好過   肯定夠凍嘛 

做生意嘅地方多數有招豺貓

上次冬天黎食   我地坐出面  好舒服架   但今日爆熱   一定唔會坐   哈哈  

食完又去買枝香茅茶    之後又行下喇   好感恩買到相機袋呀   細細個夠輕身   因為之前果個袋好重   所以佢成日都留意 d 相機袋   係佢見到咋   如果唔係佢又要再搵呢 ~

買飲品嘅地方就會好多人   因為今日實在爆熱喇 

行行行   真係太熱   所以見到舖頭就入去過冷河喇   最後買埋包辣椒欖就走人 lu ~

呢度係喺間有機店入面影架   咁好多人都買雪條食   咁就可以坐喺入面食   嘆下冷氣   又可以坐出面食   吹吹海風   咁里奧大人係都想我食雪條   仲以為佢好想食   點知原來佢知我好熱   想我坐下抖下涼陣冷氣咁呢   不過最後我都無食   唔想一次過食咁多凍嘢

好多人都帶埋狗狗出街   呢兩隻坐到咁埋   我覺得好得意呀


坐 4 點半船   我地 4 點 05 分去到碼頭已經見到有船   之後等等等   碼頭開始超勁多人   又焗喎   最慘係唔開風扇   離哂大譜啦   同埋係 4 點半先開閘   唔係 4 點半開船囉   最搞嘢係架船去到中環碼頭   船一停就即刻熄哂冷氣   真係痴痴地 ~

里奧大人有備而戰   就係帶多件 tee 呀   所以去到 IFC 即換 tee ~

好口渴呀   所以勁想飲茶   我好小喺售賣機買嘢飲架   不過實在太口渴   所以點都要買黎飲   咁里奧大人話先按價錢後按飲品   但都唔得嘅   咁我又唔識嘛   仲以為佢搞錯   咁我亂按 d 飲品制啦   無啦啦跌咗罐奶茶落黎呀   唔怪得之頭先按錢按唔到啦   咁即係頭先有人按咗制不過唔識用   呵呵   有免費飲品真係好感恩呀 ~

原來我果罐仲係 last one 添   呵呵 

里奧大人知我想買背囊   所以就搭地鐵出太子   因為我話聯合廣場可能有得買   好感恩真係有呀   買咗個牛皮背囊同斜揹袋   加埋都係 $1000   真係好在上次無心急買個背囊咋 ~

本來我想走   因為驚自己再買嘢   但里奧大人話反正到咗就行埋喎   又比我買到 2 條 1 pc   咁我話真係走喇   唔想再買嘢 ~

晏晝食咗薯條   里奧大人話今晚要食清 d   咁就去食粉麵啦 ~

食完去義順食雙皮奶   其實我好飽唔想食   不過齋坐唔食要比 $10   咁我就食啦   真係飽到甘喉嚨   慘 ~

今晚坐小巴番屋企   諗住去百佳買汽水   點知無   之後里奧大人記得我話對鞋着得舒服   想買多對   所以又再去買鞋   不過要訂   月尾先有得攞 ~

番到屋企第一時間沖涼呀   之後開機洗衫同煲中藥   差唔多煲完嘅時候   我聞到燶味   仲以為我煲燶藥添   但原來又唔係   因為都無痴底   同埋仲有成碗喺度   無耐有人勁按屋企門鐘   原來管理員黎架   問我係咪煲燶嘢   最搞笑里奧大人話係   之後我同佢講   唔係我地煲燶噃   佢開番門同管理員講話唔係   不過好奇怪就係未開門之前   d 燶味真係由我廚房傳出黎   但之後開咗門   d 燶味就喺出面傳出黎   最驚人喺後門燒嘢咋   好在差唔多半個鐘就後就無咗燶味呢 ~

難得聽日唔駛番工   所以里奧大人就睇番之前錄咗 d 電視劇   我就打機同睇雜誌   差唔多 12 點幾先瞓   如果我聽日唔駛番工就好啦 ~