( 9-SEP-2013 MON )
今日係我同里奧大人結婚 13 週年 眨下眼就 13 年 時間過得真快呢 ~
其實我都仲係溫溫燉燉 都無咩 mood 去邊度慶祝 不過點都要出去食餐飯嘅 哈 ~
今朝打的番菇場 居然塞車 所以買粉果同咖啡番菇場食算喇 因為已經 9 點半啦 ~
好在無嘢做咋 真係全日望住個 mon 唔想郁 直頭攰到連水都唔想飲 廁所都唔想去果隻呢 ~
雖然有 lunch box 不過食咗小小咋 真係無胃口 留番今晚再食 懶得去洗碗 哈 ~
放工即走喇 番到屋企抖陣 再食埋 lunch box 嘅餸 其實唔餓 不過唔想嘥嘢 ~
等到里奧大人 7 點幾放工 佢話 d 嘢做唔哂都唔做住 要早 d 放工食飯慶祝喎 咁又幾好 因為佢好小記得 d 慶祝日子呢 ~
唔知做咩鬼 喺梳化一起身就頭暈暈 眼前一黑呀 嚇到我又即刻坐低 上次暈過一次 好在里奧大人喺度咋 不過佢以為我玩囉 但今次得我一個人 所以都係即坐低定一定神先呀 ~
仲係暈暈地咁 所以去別府算喇 反正我勁想食壽司 ~
食咗嘢又好 d 喎 食完番上屋企喇 想快 d 沖涼休息呢 ~
暈四之~ 午安好嗎..你好番晒未呀? 睇佐咁耐中醫都未有好轉呀..陰公之囉
回覆刪除補番祝你同老奧週年快樂先呀 恩恩愛愛forever^^
why你啲相咁大張既 出晒界 但我嗰啲又細張佐喎..攪咩呢~
暈真係要坐定定先好行呀 尤其自己一個人添喇..
第一碟係魚餅? 嗰pat醬好似幾好味咁
十三笠..唔係話你13點呀! 哈
回覆刪除你覺唔覺時間過得好快~生活開心真係唔覺唔覺又一年
祝係同小奧日日都咁甜密開心~幸福快樂~你就身體健康啦
個芥辣八爪魚壽司..起泡好似口水! 哈哈哈
(笠..仲要入驗碼~麻煩你去設定"關"左佢! 唔該晒)