干炒豬扒扁意粉 + 菜心 ( 17-SEP-2013 )

( 17-SEP-2013  TUE )

今星期好開心呀   因為中秋節應該放 4 點   星期五又假期   如果星期六唔駛番就好   可以去過小旅行添呀 ~

早餐食雪菜肉絲午餐肉米   不過午餐肉無味嘅   太興果 d 午餐肉好好味架   不過又無得講嘅   一分錢一分貨嘛 ~

菇場唔忙   所以里奧大人成日話我番工無壓力   但我話無嘢做唔代表無壓力   因為我都要番工   我都要教鬧鐘起身架 ~  

今日有 Farewell Lunch 食   實在太好喇   不過我星期六日又飲咗茶   今日又飲茶   有 d 驚喇   同埋飲茶係好滯咁囉 ~

諗住 hea 到放工   點知無啦啦忙添   差唔多 5 點先搞掂   之後又有散水餅食   好感恩呀   因為有我想食嘅 cheese cake 呀   感恩感恩 ~

放工去牛頭角藥房買嘢   之後再去街市買餸就番屋企喇 ~

實在太飽    所以預備好晚餐就去徑步喇   徑咗 4 個圈就番屋企煮飯喇   煮埋洗埋   再醃埋排骨都差唔多 8 點半   啱啱里奧大人就放工   咁我即沖涼啦   同埋我自己食先喇   唔想太夜   就咁食 d 菜同豬扒骨就算 lu ~   

是日晚餐 - 干炒豬扒扁意粉 + 菜心

干炒豬扒扁意粉 - 今次用 2 塊豬扒喇   唔係真係唔夠食   里奧大人話今次 d 意粉好好味喎   但其實我係求其整   我完全無試味架   首先落咗生抽老抽   之後覺得好似好鹹   所以落埋印尼甜豉油   但之後又驚甜得滯   又加 d 黑椒粉   估唔到 9 唔搭 8 反而里奧大人覺得好味   哈 ~  

菜心 - $9/斤   見好大棵   所以買喇   同埋我覺得帶菜心做 lunch box 係最好   因為唔會出水囉 ~

搞幫埋里奧大人洗碗   又已經差唔多 10 點喇   食埋生果就休息喇 ~