$12/4件 - 家姐叫咗尖椒 / 豆腐 / 魚蛋 - 魚蛋勁難食呀 以前就算唔係新鮮炸起都有 d 煙煙韌韌感覺 依家食落係霉嘅感覺 恐怖
腸粉燒賣雙拚 ( $15 ) - 腸粉都幾滑 但 d 豉油好似黑醬油 好杰身 所以好漏 我都係鍾意甜豉油多 d
蘿白 + 豬腸 + 豬皮 + 粗麵 ( $30 ) - 如果無辣汁 個湯底係完全無味 同埋 d 豬皮好似益益地 @@
( 5-AUG-2015 WED )
今朝里奧大人鬧鐘響咗之後 我都可以即時瞓番 感恩感恩 ~
餓呀 早餐食芝腿治 好似好耐無食咁 lu ~
菇場忙咗陣 9 點幾家姐打黎 話復康姑娘話媽咪氣速要入院 其實尋晚已經速啦 又係依家先入 麻鬼煩 同埋佢根本就係攞黎搞 一早唔應該出院啦 出出入入 個個都辛苦 真係覺得坐車探妳 喺醫院坐喺度陪妳唔駛精神體力時間咁 所以我同家姐都講到慶合合呀 ~
好啦 我都唔再咁勞氣 要比自己開心 d 同冰姑呻完就算 反正講唔聽 我無理由日日都咁激心家嘛大佬 所以由佢吧 鍾意點就點 但唔會唔理佢 不過都唔好 "過份緊張" 佢喇 結果只會係我自討沒趣呢 ~
Lunch time 未餓 所以去 759 同萬寧買嘢先 之後收到工人嘅 sms 話媽咪住幾樓幾號床 原來佢都 send 咗比家姐 佢真係好細心 不過我覺得好搞笑 send 比一個咪得囉 唔好嘥錢再 send 多個嘛 ~
立一立以為係包軟糖 哈哈 再望清楚 d 原來係 Jel Ball
好喇 去買酸辣米線喇 番到菇場已經 1 點 要快 d 食咯 呵 ~
今次一路行一路 fing 得太犀利 好在無漏 d 湯出黎咋
最搞笑係阿齋經過我個位 串串共話 "乜妳唔係尋晚煮飯咩 ?!" 我話抖下都得啩 之後佢話我尋晚同佢講話放工準時走 趕住番屋企煮飯喎 嘩哈 係喎 我完全唔記得自己講過 d 咩添 丫 真係老人痴呆開始了 ~~~~~~~~~~
放工去探媽咪啦 6 點 20 分先去到醫院 咁啱見到醫生 佢話媽咪都係心衰竭同氣速 加上出院之後咁快又入院 所以要調教 d 藥囉 其實我想講係媽咪自己要求出院 所以唔應該話咁快又入院囉 哈 ~
一入去就見到媽咪食蘋果 咁都 ok 同埋佢話條氣好過今朝 咁工人都話呼吸好過今朝 之後工人無啦啦同我講話好驚 但我成日覺得佢 d 語氣同表情好搞笑 咁我問佢驚咩呀驚 ?! 佢話原來媽咪尋晚 1 點肚屙 屙咗 3 次 嚇到佢都唔敢瞓 驚媽咪有事 ~
之後今朝量血壓 話媽咪血壓係 159 咁佢好驚啦 再量都係 149 好感恩咁啱復康姑娘 9 點黎到 姑娘叫工人再量多次 應該係睇工人有無量度 因為有時位置唔啱 數字都會有出入 一量又係 159 咁姑娘話要入院喇 媽咪好奇怪架 只聽姑娘講 所以我成日無咁好氣就係咁解 ~
里奧大人 7 點幾打黎話已經番到香港 咁我叫佢自己食啦 我未餓嘛 ~
咁家姐咁啱又到咗 我同佢講話今晚食個米粉就算喇 唔係咁餓 之後家姐個樣好慘同埋好愕然話 " 妳今晚唔係同我食咩 ?! " 我話 "吓 我有話同妳食咩 ?!" 佢話喎 尋晚傾電話時 話如果媽咪唔出去食飯 咁我地買嘢比媽咪同工人食 之後我地就去食其他嘢 嘩哈 我又真係咁講架喎 今日真係痴咗線 講完 d 嘢完全唔記得 真係唔可以成日咁激氣 激到咩都唔記得哂 哈 ~
家姐同同事 share 呢包薯片 所以家姐又比我試下 我覺得麻麻地好味啫 可能我唔係咁鍾意食甜味嘅薯片 我食咗 1 塊已經覺得 有 d 漏 呢包薯片仲炒到 $75 我覺得真係一 d 都唔值囉
7 點 50 分要走喇 唔係等 lift 有排等 ~
家姐想去文記 咁去啦 咁啱我之前都諗住去文記食煎釀三寶 但依家 d 魚蛋好鬼難食 應該都唔會再有想食嘅感覺 lu ~
食食下里奧大人打黎話一陣食雪糕 咁好啦 之後隔咗陣又話唔食 因為想去徑步 真係痴痴地 家姐話佢真係話唔食就唔食 因為家姐知道 如果里奧大人喉嚨唔舒服就一定一定食得勁清 但家姐唔會家嘛 所以佢覺得里奧大人好勁 忍到口喎 ~
我送埋家姐搭巴士先番屋企 咁啱喺橋底見到里奧大人 條友直行直過 我地以為佢扮睇唔到添 咁我地叫佢啦 佢話真係睇唔到我地喎 @@
番到屋企即沖涼 無耐里奧大人都番到 叫佢快 d 沖涼 因為想一齊睇 "急診" 呀 ~
呢罐梅酒喺 759 買嘅 我飲第一啖已經覺得一大陣咳藥水味 呢罐應該係我人生當中係飲過最難飲最難飲嘅酒 味道真係同飲咳藥水無分別 我即叫里奧大人試啦 佢話無咩嘢喎 咁比哂佢飲喇 哈
今晚 11 點半瞓 其實我覺得算夜瞓 係時間又要教番 11 點瞓喇 ~
沒有留言:
發佈留言