泡菜辣椒醬炒秋葵豬肉 + 椰菜花 ( 6-AUG-2015 )

( 6-AUG-2015  THU )

尋晚瞓得都唔錯   里奧大人又話呢兩晚佢徑完步都瞓得好   感恩呢   我同佢講   如果無咁熱   就去行下山   真係諗起都開心呢 ~

今朝無乜胃口   所以食奶醬多算喇   咁我習慣睇報紙   最鍾意見到有 coupon   哈哈   同埋見到 d 好味嘢得意嘢就會 send 比家姐同里奧大人睇   家姐最有心   成日好認真睇   哈哈 ~   

          
家姐好鍾意甜品   今朝見到個甜品好似幾好味咁   所以 whatsapp 比佢睇   我叫佢估個波波幾錢   佢好直接答我   話 " 寫咗價錢噃 (--_--) "   嘩哈哈哈   我又會咁論盡嘅 --__--     

菇場無啦啦又忙   仲要係集中精神做果隻   所以做完有 d 攰   哈 ~ 

Lunch time 去百佳買咗支萬字魚生壽司醬油   咁都要 $27.9   不過其實我都唔知係咩價   哈哈   因為我好小喺屋企食壽司呢 ~   

再行咗陣就買車仔麵番菇場食   唉   其實我唔太餓   但又勁想食車仔麵   不過喺唔餓嘅情況之下食   覺得唔係咁好味 ~~~~

今次試下牛筋 + 腎   可能無加辣汁   牛筋又滯   下次咪搞   哈哈           

忙咗 1 個鐘就搞掂哂   不過有 d 飽飽滯滯   所以都無乜心機上網   只想快 d 放工 ~

真係放工即走喇   今晚唔駛買餸   所以浸好菜   6 點 20 分出去徑步   咁行晨運徑啦   行到一半有 d 頭暈   所以拿拿聲行埋去   再兜多個圈   徑咗 20 分鐘就要番屋企喇   激死我   仲諗住徑半個鐘添   我估我放工直接徑步係唔得嘅   點都要食 d 嘢先   因為平時食完飯徑步係唔會頭暈架 ~

番到屋企即煮嘢   之後沖涼再食嘢   里奧大人 8 點放工   咁我煮丁麵佢食啦   佢最鍾意 ~

是日懶餐 - 泡菜辣椒醬炒秋葵豬肉 + 椰菜花 

泡菜辣椒醬炒秋葵豬肉 - 家姐之前買咗盒韓國辣椒醬   話好鹹又唔辣   所以問我要唔要   咁我話要啦   用黎炒豬肉   但我落咗 1 湯更炒豬肉   都唔係唔辣丫   可能果時佢用生菜夾豬肉   再搽呢隻醬 + 豉油   所以鹹啦 ~      

左邊嘅辣椒醬係家姐買嘅   好在細細盒咋   右邊係我買嘅   大盒嘅   因為 759 做特價   哈   

椰菜花 - $12/2個   就咁烚熟就算喇   不過無咩味   所以點沙爹王嘅 XO 辣椒醬   當堂好味哂   哈  
9 點先記得開機洗衫   呢排真係好無記性   食番 d 合桃先   以型補型   哈哈 ~

今晚終於睇埋 "急診" 大結局   里奧大人係都要睇哂先沖涼   好在都係 10 點半   咁抖多陣   11 點都瞓 lu ~